Tơrĕk hloh noh, rim bơngai tang măt hơlen lăng tơchơ̆t tơgŭm 100% jên răt theh ƀao hiêm hơmet jĭ jăn ăn bơngai sơnăm 'lŏ đơ̆ng 60 sơnăm truh hơla 75 sơnăm mă tam đei theh lơ̆m tơring kơ dêh char. Kiơ̆ tơlĕch jang, tơchơ̆t tơgŭm gô tơgŭm ăn hloh 83.700 bơngai sơnăm 'lŏ, hăm jên huach hloh 114 tih hlj rim sơnăm.

'Măng hop akŏm adoi hơlen lăng jên asong lơ̆m đunh khei năr đơ̆ng sơnăm 2026-2030 'măn ăn 3 tơdrong tơchơ̆t jang kơ teh đak gah pơjing tơring tơrang 'nao, tơjur hin dơnuh kơjăp sơđơ̆ng păng hơtŏk mŭk drăm – tơpôl tơ̆ tơring kon pơlei kon kông, groi kông, kơchăng hloh 4.500 tih hlj. Atŭm hăm noh, rim bơngai tang măt hơlen lăng tơdrong asong 245 tih hlj ăn 15 tơdrong jang khua hŏk, kŏng ngê̆, tơplih tơchăr 'nao gơh hơgei păng tơplih kơsô̆; hơnăn 21 tơdrong jang iŏk tơvih teh dah mă tơplih trong iŏk yua teh bri.