Tơdrong chă ƀôh kơting 2 ‘nu lĭnh lôch tang ăn teh đak tơ̆ tơring 'nâu, ăn ƀôh tơdrong jang sir chă oei kăl đei bơ̆ jang mă pran hlŏh dơ̆ng, yua lơ pơsat lĭnh lôch tang ăn teh đak tam mă băt hơdăh hơnăn, tam đei kôch iŏk. 'Nâu jĭ 2 kơting lĭnh lôch tang ăn teh đak đơ̆ng rŏng dơ̆ng, đei chă ƀôh gơnơm đơ̆ng kon pơlei roi tơbăt. Kiơ̆ đơ̆ng noh, tơgŭm khul K51, Anih chĕp kơ̆l pơgơ̆r khul linh dêh char Đắk Lắk sir chă, kôch iŏk đei 47 kơting linh lôch tang ăn teh đak tơ̆ Đắk Lắk păng dêh char Mondulkiri, teh đak Campuchia lơ̆m Tơdrong jang 500 măng năr hơtŏk tơdrong sir chă, kôch iŏk păng chih hơdăh hơnăn linh lôch tang ăn teh đak.