Pơgê 21/10, tơ̆ Cham gre păr Apŭng plĕnh teh Cần Thơ (hơnih khŭl linh), Anih tơm pơgơ̆r khŭl linh Quân khu 9 jang hơdai Khŭl linh gre păr păng dôm dêh char, pơlei tơm lơ̆m tơring Tơmăn đak krong Cửu long pơgơ̆r chơ, pơjao kơcheh kơting linh tôch tang ăn teh đak pơyua ăn hơlen lăng ADN vă băt hơdăh hơnăn linh lôch tang ăn teh đak hăm gre păr khŭl linh CASA-C295 Lữ đoàn 918 (Linh gre păr). Tơdrong jang chơ 8.453 kơcheh kơ ting linh lôch tang ăn teh đak hăm gre păr khŭl linh ‘măng âu kŭm pơtôch tơdrong iŏk kơcheh đơ̆ng Tơdrong jang 500 măng năr.

‘Nâu jĭ tơdrong hơiă gre păr gĭt kăl tơgoăt hơdai đơ̆ng sơ̆ nuih mơng hăm dang ei đơ̆ng tơdrong ƀlŏk hơdơ̆r. Rim kơcheh kơting linh lôch tang ăn teh đak klơ̆p hăm Hlơ kơ ƀrê teh đak jing 1 pla ŭnh hơmĕng, jing nơ̆r krao jơva ‘meh vă đơ̆ng sơ̆. ‘Nâu ưh khan lăp tơdrong jang đơ̆ng khoa hŏk păng kơmăy mŏk, mă jing ‘măng păr đơ̆ng bôl buăl, tơdrong ‘mêm băl, hơnhăk ba đon lui, chang gô, pơm tơ jur ƀiơ̆ tơdrong ơh sơ ‘ngon đunh đai kiơ̆ băt dôm yơ khei sơnăm chang gô.