Tơring âu lơ̆m khei ‘năr tơblăh Mi sơ̆ jĭ tơring kăn kư̆ kăch mang Khu 10. Ƀât anih kôch iŏk, khul jang kơpal chă ƀôh lơ tơmam nhen: kơƀang chih hơnăn linh lôch tang teh đak, 2 tŏ ‘long chih, ăng gô, đak miđŏng, chơkhŏ cao su, tơlei tăn, săng, măt mĭl kŭm hăm 1,2 tơmam yoa nai.

Dang ei dôm kơ̆l linh âu oei đei vei lăng, sŏh nhang vă gô pơm hla ar, pơgơ̆r pơdong, ƀŭ kiơ̆ tơdrong hơgăt. Tơring kăn kư̆ kăch mang Khu 10, găh xăh Krong hrei ‘nâu, sơ̆ jĭ anih jang tơm kơ Anih chĕp kơ̆l pơgơ̆r Đảng dêh char Gia Lai păng khul linh tơblăh kơ dêh char lơ̆m khei ‘năr tơblăh Mi, đơ̆ng 1955-1975.