Đơ̆ng rŏng pơm lêh pơdong ƀŭ 731 kơting linh lôch tang ăn teh đak lơ̆m ‘năr 14/10, rim khŭl linh hơnơ̆ng tơlĕch jang ‘măng tơchă mă 2 tơ̆ Hơnih B. Đơ̆ng ‘năr 15 truh đĭ ‘năr  17/10, hlôi chă ƀôh, iŏk akŏm dơ̆ng 33 kơting linh lôch tang ăn teh đak đei chă ƀôh hơdrô̆, iŏk đơ̆ng tơlĕch jang tơdrong jang tơchă lơ̆m ‘năr 23/6 truh đĭ ‘năr 17/10, rim khŭl linh hlôi chă ƀôh, iŏk akŏm đei đĭ đăng 764 kơting linh lôch tang ăn teh đak tơ̆ Cham ngôi pơhiơ̆ Lê Thị Riêng, lơ̆m noh đei 318 kơting linh lôch tang ăn teh đak đei tơmam ƀŭ hơdai.

Dang ei tơdrong jang tơchă, iŏk akŏm kơting linh lôch tang ăn teh đak tŏk bŏk hơnơ̆ng đei tơlĕch jang tôch kơ tơnăp, tơƀôh tơdrong băt bơnê gĭt băl hăm đe linh nuih mơng lôch tang ăn teh đak hlôi hŭt hơkâu yua kơ tơdrong jang iung tơblăh pơm rơngei hơdrĕch hơdrŭng, pơjing păng vei lăng Teh đak.