Tơ̆ kơsơ̆, dôm bơngai tang măt pơma nuh tơ̆ grŭp găh Luơ̆t phak kron (oei chih hơmet ming) păng tơdrong tơchơ̆t đơ̆ng Kuô̆k hô̆i găh tơdrong pơm kiơ̆ Luơ̆t phak kron (oei chih hơmet ming); Luơ̆t pơgơ̆r Anih dăr hơlen tơdrong yoch tih (oei chih hơmet ming).

Vang tơgop nơ̆r ăn Luơ̆t rong kon rong (oei chih hơmet ming), 1,2 ‘nu bơngai tang măt akhan, tơdrong hơmet ming Luơ̆t ‘măng mă âu athei chih hơdăh hơnăp jang, tơklep hăm tơplih hăm kơmăy sô̆ mă lăp hăm yăn âu. Dôm tơdrong hơmet ming athei pơm lăp hăm tơdrong vei lăng ‘lơ̆ng tơdrong đei yoa ăn hơioh. Dôm bơngai tang măt akhan, tơdrong hơmet ming Luơ̆t Rong kon rong hrei ‘nâu ‘nŏh tôch kăl, vă tơƀôh đon tơchĕng găh hơtŏk tơdrong vei lăng, pơtho pơhrăm đe hơioh; atŭm hăm ‘nŏh hơmet pơ ‘lơ̆ng dôm tơdrong ưh kơlăp, găn ƀiơ̆ dôm tơdrong ưh hơiă đei ƀôh tơ̆ yăn âu mưh pơm kiơ̆ Luơ̆t Rong kon rong sơnăm 2010.