VOV4.Bahnar - Oei arih sơ̆, Ƀok Hô hơnơ̆ng ‘măn jơhngâm đon ‘mêm kơeng hăm rim hơdrĕch kon kông. “Kông gơ̆h hach hơlih, đak krong gơ̆h hrơ̆, mă lei jơhngâm đon Ƀok ‘mêm kơ kon pơlei tơring Pơbăh ưh đei lai yơ tơplih” – nơ̆r Ƀok Hô tơtă lơ̆m kơthơ gơih ăn Hop akŏm dôm hơdrĕch kon kông tơring Pơbăh sơnăm 1946 oei đei hơnơ̆ng lơ̆m jơhngâm đon rim jơhnơr. Tơbăt 135 sơnăm năr rơnĕh Ƀok Hô (19/5) jĭ jơnăr vă jơhnơr mơlôh tơ̆ pơlei pơla Tây Nguyên tơƀôh jơhngâm đon băt bơnê hăm Ƀok, adrin iung jang xa, jang kiơ̆ kơmăy kơmŏk, vei lăng ‘lơ̆ng cham char păng vei kơjăp tơdrong juăt joh ayŏ kơ dŏ xoang kơ hơdrĕch hơdrung. Pơm tông “Sơnăm mơlôh Tây Nguyên pơm kiơ̆ nơ̆r Ƀok Hô” tơƀôh jơhngâm đon ‘nŏh.

VOV4.Bahnar - Tơmât hơdai dêh char păng khul kơdră pơgơ̆r 2 păl jĭ hơyak năm gĭt kăl vă kăt tơjur khul bơngai jang, pơm hơtŏk tơdrong đei yoa ‘lơ̆ng mưh pơvih ăn kon pơlei. Đon lui hăm tơdrong chĕp kơ̆l pơgơ̆r đơ̆ng Đảng păng teh đak, kon pơlei tơ̆ pơlei pơla Tây Nguyên tôch lăp đon, vang pơjing tơring roi đunh roi tŏk pran, gơ̆h hơgei.

VOV4.Bahnar - Tơmam xa ưh rơgoh, pai hơmet ưh kơ ‘you, tơdrong juăt pai xa kư̆ kă… hơnơ̆ng đei ƀôh tơ̆ lơ unh hnam lơ̆m pơlei pơla. Ưh lăp pơm ăn đe jĭ klak, chroh hăk đĕch mă ƀât lăp oei pơm pơrăm ưh ê hăm jơhngâm pran tơpôl dơ̆ng. Ƀlep ƀât khei bơ̆jang yoa tơmam xa rơgŏh ‘lơ̆ng, hơpơi... mơ̆ng nhôn pơm tông, kiơ̆ tơdrong pơma nuh đơ̆ng ƀak si Hùng păng duch Hyanh ƀơm truh tơmam xa rơgoh – 1 tơdrong nhen iĕ đĕch ră mă lei ƀât sư pơm tơlĕch tơdrong răm tôch tih ăn bơ̆n, tơdăh bơ̆n lăng pơhơi…

VOV4.Bahnar - Lơ̆m pơlei pơla sơđơ̆ng, ‘lơ̆ng rŏ tơ̆ Tây Nguyên, pơih mơ̆ng Radio, huch ngôi chĕh phe tôch ƀou phu, bơ̆n mơ̆ng ngôi nơ̆r pơma nuh tôch hơiă đơ̆ng kră pơlei păng duch Hương, chă pơđou dơ̆ng jơnăr tôch gĭt kăl ƀât năr tơblăh rơngei, pơjing đei 1 teh đak ƀât dŏh sơ̆. Kiơ̆ đơ̆ng lơ tơdrong tơroi, um rup kơtang nuih mơng đơ̆ng khul linh, kon pơlei Tây Nguyên lơ̆m tơdrong tơblăh Pơyan Puih mak 1975 nhen ƀôh tơ̆ yăn âu dơ̆ng, hăm ƀĕnh tơdrong hưch hanh, čhôk ‘nă. Pơm tông "Hơnơ̆ng hue lăng truh “Năr pơjing mĭnh teh đak kơjăp ‘lơ̆ng” pơtruh nơ̆r ăn jơhnơr hrei ‘nâu ‘nŏh: Athei vei kơjăp tơdrong rơngei, vang tơiung pơjing teh đak hăm đon lui păng băt ‘mêm kơ teh đak.

VOV4.Bahnar - Tŏk bŏk lơ̆m chăl arih xa ‘nao, lơ đe tơdăm tơ̆ tơring hơtăih yăih hơnơ̆ng ‘mĕh chă tơdrong jang, vă đei đăi kon jên pơyoa ăn tơdrong arih, huei kơ pôm răp gô đơ̆ng jang mir na, ƀât lăp đei ƀât lăp ưh. Đơ̆ng noh đe sư jing ƀônh lui kiơ̆ nơ̆r hơlĕnh “jang hơ ‘yơch jên khei lơ”, đang kơ ‘nŏh jing bơngai chă hơlĕnh kơ đe jơ̆p jơ̆p tơring. Pơm tông “Tơdrong jang hơ ‘yơch jên khei lơ – Nơ̆r pơhlŭ tôch nhop kơđon” roi tơƀôh 1 tơdrong krê hơmơt hrei ‘nâu tơ̆ pơlei pơla Tây Nguyên.

VOV4.Bahnar - Jĭ grŏnh oei tơpŏh tôch hơmơt tơ̆ lơ dêh char, plt lơ̆m teh đak. Tơ̆ tơring Tây Nguyên dôm dêh char Gia Lai, Đắc Lắc, Lâm Đồng... kơsô̆ bơngai jĭ grŏnh oei tŏk hơnơ̆ng rim năr. Tơdrong tơm ‘nŏh yoa mĕ ƀă lăng pơhơi, lơ sơnăm yoa đơ̆ng jĭ covid ưh đei pơm kiơ̆ trong ƀet vắc-xin ăn đe hơioh. Anih tơm vei lăng jang pơgang hlôi pơjing 6 khul chă hơlen năng, pơtho tơƀôh trong tang găn jĭ păng tơlĕch trong ƀet vaccine tang găn jĭ grŏnh lơ̆m khei 3 âu ki, mă lei tơdrong kăl hlŏh jĭ, rim unh hnam athei đei đon tang găn jĭ grŏnh ăn đe hơioh. Pơm tông năr ‘nâu nhôn pơma nuh găh tơdrong ‘nâu.

VOV4.Bahnar - Tây Nguyên oei vă mât lơ̆m pơyan tŏ phang pơđang, mă lei hăm tơdrong vang bơ̆jang đơ̆ng rim kon pơlei păng tơdrong tơgŭm đơ̆ng khul kơdră pơgơ̆r, bơ̆n gơ̆h găn ƀiơ̆ tơdrong hiong răm đơ̆ng tŏ phang. Mih ma duch nă athei ‘mơ ‘met đak, pruih đak kiơ̆ đing kơtoh, kôch hơmet hơbong, dơnâu đak păng tơplih ming ‘long pơtăm mă lăp.

VOV4.Bahnar - Man tơgŭm hnam, sut pơđĭ hnam hiăh hiok ưh lăp 1 trong jang gĭt kăl vă vei lăng ‘lơ̆ng tơdrong arih xa tơpôl đơ̆ng Đảng păng teh đak đĕch, mă oei jing đon hơmĕng kơ mĭnh tơdrong arih xa hiôk sơđơ̆ng, ‘lơ̆ng rŏ ăn dôm unh hnam pơmat tat dơ̆ng. Đei tơdrong pơngơ̆t đơ̆ng Teh đak, tơdrong vang tơgŭm đơ̆ng rim anih jang kơpal păng tơpôl kon pơlei, rơbâu tŏ hnam man kơjăp ‘lơ̆ng oei vă tơplih ăn dôm bơbŭng hnam gia, hiăh hiok, tơgŭm ăn kon pơlei đei anih oei xa kơjăp ‘lơ̆ng, jang tŏk mŭk drăm. Pơm tông năr ‘nâu đei hơnăn "Vang tơgŭm man hnam vă sut pơđĭ hnam hiăh hiok" tơƀôh jơhngâm đon ‘mêm băl, tơgŭm băl đơ̆ng kon pơlei dôm hơdrĕch hơdrung tơ̆ Tây Nguyên.

VOV4.Bahnar - Khei 3 Tây Nguyên đei năng jĭ “pơyan ‘lơ̆ng hlŏh lơ̆m sơnăm”, hlôi mât lơ̆m tơdrong chih pơđơ̆k, ƀai hơri, rup čhơ̆. Khei 3 sơnăm ‘nâu, ưh lăp hưch hanh vă tơƀlŏk dơ̆ng 50 sơnăm Tơblăh jơnei Buôn Ma Thuột, kon pơlei dôm hơdrĕch hơdrung Tây Nguyên oei chơt hơiă pơgơ̆r Lêh Cheh phe Buôn Ma Thuột ‘măng mă 9 dơ̆ng. Bơngai Tây Nguyên ling lang hưch hanh hăm tơdrong jang kăch mang păng ƀôh čhôk ‘nă jĭ tơring pơtăm chĕh phe đei ư hơnhang jơ̆p apŭng plenh teh.

VOV4.Bahnar - Hrei ‘nâu, tơ̆ 1,2 tơring hơtăih yăih, tơring kon kông tơ̆ Tây Nguyên, kơsô̆ unh hnam đei hnam hum, hnam chă pơyơ̆ng rơgŏh 'lơ̆ng oei lăp tŏ sĕt đĕch. Yoa thoi noh, kăl roi tơƀôh ăn kon pơlei băt hơdăh tơdrong gĭt kăl đơ̆ng vei lăng cham char arih xa rơgŏh 'lơ̆ng. Rim unh hnam athei đei hnam hum, hnam chă pơyơ̆ng rơgŏh 'lơ̆ng vă vei lăng anih oei xa 'you rơgoh, pơm hơtŏk jơhngâm pran ăn kon pơlei. Pơm tông năr 'nâu pơma nuh găh tơdrong 'nâu.