VOV4.Bahnar - Tơdrong arih xa chăl hle hrei ‘nâu hơnhăk ba lơ tơdrong đei yoa, mă loi jĭ tơdrong tĕch mơdro lơ̆m mang internet. Lăp kăl đei jên, ngôi kơtă tơ̆ hnam bưh bơ̆n gơ̆h răt iŏk tơmam đơ̆ng rim teh đak lơ̆m apŭng plenh teh. Mă lei “ƀât lăp kŭm đei tơdrong ưh hơiă ‘năi”, yoa đei lơ bơngai pŭh ƀơm nơ̆r đe hơlĕnh pơdăr mưh răt tơmam online, kơna bơ̆n athei kơchăng hăm tơdrong ‘nâu. Mă loi ƀât hơtuch sơnăm, vă jê̆ têt, lơ bơngai pơm yoch hơnơ̆ng chă trong hơlĕnh pơdăr vă iŏk pơgâm jên đe.

VOV4.Bahnar - Tơdrong et tơdrô, ƀier pơlŭk pơlăk lơ̆m năr et xa pơm tơlĕch lơ tơdrong răm. Mă loi ƀât hơtuch sơnăm, đe đa pơgơ̆r et pơkong, et tŏk hnam, et xa hơtuch sơnăm, et tơƀlŏk năr rơnĕh, pơm ăn lơ bơngai jing ưh kĕ vei lăng kơdih kâu, hơnơ̆ng kơ et tơdrô soai. Tơdrong et tơdrô ưh lăp pơm glăi luơ̆t hao gre, đei sek phak jên đĕch mă lei ƀât lăp oei hao gre tâm preh đe, pơrăm truh tơ̆ jơhngâm pran dơ̆ng.

VOV4.Bahnar - Rim sơnăm, mưh mơ̆t lơ̆m hơtuch sơnăm, hơmet ăn sơng Tết, tơdrong tĕch hơmlăi ôn păng đei tơdrong truh yua đơ̆ng chă pơm kơdih hơmlăi ‘noh đei ƀôh. Mă loi ‘noh jĭ, tơdrong hŏk tro chă mơ̆t pơih lơ̆m mạng tơpôl răt chơ ngoi vă chă pơm hơmlăi hlôi pơm ăn lơ tơdrong truh jĭ jơhngơ̆m. Dôm tơdrong jang âu ưh khan lăp pơm glăi khôi luơ̆t mă oei tơhli kơtă truh hơkâu jăn lơ bơngai. Pơm tông hơtuch giĕng năr ‘nâu đei hơnăn “Tơdrong răm đơ̆ng hơmlăi đôh”.

VOV4.Bahnar - Hrei ‘nâu yă chĕh phe tŏk hơnơ̆ng, tôch măk pơting hăm dôm sơnăm adrol ki. Hơdai hăm hiôk chơt yoa chĕh phe ‘lơ̆ng, yă tĕch măk, bơngai pơtăm chĕh phe oei kŭm tôch pơngơ̆t, hli kơ đe phĕ tơtông chĕh phe ƀât mă kơplăh dang ei lu bơngai tơtông ưh lăp phĕ tơtông đĕch mă oei kăt, gơ̆ hloi dơng chĕh phe, pơm hiong răm tôch lơ ăn bơngai pơtăm lơ̆m dôm sơnăm truh. Tơdrong dăr joang, vei lăng tơmam ăn unh hnam păng tơpôl tơ̆ hơnăp tơdrong krê kơ đe tơtông klĕ ‘nŏh jĭ tơdrong tôch kăl.

VOV4.Bahnar - Đunh kơ âu hlŏh 20 sơnăm, Anih Trung ương Mặt trận Tổ quốc Việt Nam hlôi tơchơ̆t iŏk ‘năr 18/11 rim sơnăm jĭ “Năr tơguăt đĭ đăng hơdrĕch hơdrung”. Dôm năr ‘nâu, tơ̆ Tây Nguyên păng lơ̆m teh đak oei pơgơ̆r “Năr tơguăt đĭ đăng hơdrĕch hơdrung” hăm jơhngâm đon chơt hơiă ‘nă hal păng ‘mêm băl đơ̆ng đĭ đăng kon pơlei. Kơdră chĕp kơ̆l Đảng, teh đak, anih chĕp kơ̆l đảng, khul kơdră pơgơ̆r dôm tơring vang chơt hơdai hăm đĭ đăng kon pơlei lơ̆m Năr âu.

VOV4.Bahnar – Tơdrong juăt rong kơpô, rơmo hơchăng kư̆ kă, ưh đei pơm hơdrong ‘nŏh jĭ tơdrong jang xa ưh kơ ‘lơ̆ng kiơ mă lei oei đei ƀôh lơ tơ̆ dôm pơlei pơla tơ̆ tơring hơtăih yăih, tơring kon kông tơ̆ Tây Nguyên. Trong rong kon tơrong thoi âu oei pơm ‘mê̆ ‘mach truh tơ̆ cham char, ƀơm ưh ‘lơ̆ng truh jơhngâm pran tơpôl, pơlei pơla hia. Pơm tông năr ‘nâu pơma nuh găh tơdrong ‘nâu, hơpơi kơmih ma duch nă păng bôl boăl vang mơ̆ng.

VOV4.Bahnar - Yoa tơdrong juăt, 1 kơsô̆ kon pơlei jang chŭn mir đơ̆ng rŏng kơ yoa đang pơgang sơdrông, pơgang ‘ngiĕt ‘nŏh đa hŭt hloi tơ̆ chŭn, tơ̆ hơbong đak, mă ưh kơ băt tơdrong răm đơ̆ng sư ƀơm truh tơ̆ cham char kŭm nhen tơdrong arih xa. Pơm tông năr ‘nâu nhôn pơma nuh găh tơdrong ‘nâu:

VOV4.Bahnar - Khei ‘năr âu ki, đei ƀôh lơ bơngai lôch răm tôch pơnat yoa đơ̆ng đăk đong điên. ‘Nao hlŏh jĭ, tơ̆ dêh char Gia Lai ‘nao đei 1 ‘nu bơngai lôch yoa tơvŏk ƀơm tơlei điên đơ̆ng đe đăk vă vei lăng pơgar sâu riêng yoa hli đe phĕ tơtông. Tơdrong pơm tông năr ‘nâu vă tơtă ăn mih ma duch nă lê̆ iŏk điên pơm đong, vă huei đei tơdrong răm, lôch bơngai:

VOV4.Bahnar - Tơdrong pơm glăi luơ̆t vei sơđơ̆ng tơ̆ trong nơnăm tơ̆ dôm jăl trong tơ̆ tơring tơrang hrei ‘nâu oei tôch lơ. Dôm tơdrong pơm glăi hơnơ̆ng kơ đei,‘nŏh: ưh đei yơ̆l môk kŭp, chơ ƀar, chơ pêng, mă loi jĭ tơdrong hao gre kơdâu hrĕnh, hao băh đơ̆ng đe tơdăm păh iung… Hơmơt hlŏh dơ̆ng, ‘nŏh đe tơdăm păh iung tơ̆ tơring âu đa pơtơm băl et tơdrô, đang kơ ‘nŏh hao gre net ƀô, tuĕnh ga hrơ̆ng hreng, tôch hơmơt.

VOV4.Bahnar - Pơyan pơdơ̆h he tôch, sơnăm hŏk ‘nao 2024-2025 vă truh bơih. Kŭm hăm tơdrong pơngơ̆t đơ̆ng anih chĕp kơ̆l đảng, khul kơdră pơgơ̆r dôm tơring, anih pơtho pơhrăm, đe mĕ ƀă hŏk tro kŭm oei hăt hơmet tôm tơdrong ‘lơ̆ng hlŏh ăn kon hơ ‘lơ̆p kơdih mât lơ̆m sơnăm hŏk ‘nao chơt hơiă, sơđơ̆ng ‘lơ̆ng.