VOV4.Bahnar - Tơdrong hơrih sa hrei au roi năr roi đei ƀôh, tơdrong chă răt gre bơbĭt hăm kon pơlei tơring atăih yăih, tơring kon kông ‘noh jing ưh kơ mơmat yă kiơ ôh. Mă lei găh vei lăng năng tông gre ‘lơ̆ng hơ iă lơ̆m ŭnh hnam jĭ mĭnh tơdrong kăl vă pơma truh. Lơ ŭnh hnam răt gre đang ‘noh ưh kơ vei lăng ‘lơ̆ng, ăn kon hơ ‘lơ̆p tim mă tôm sơnăm, tim mă đei ƀăng vơ̆r gre chă hao pơm ăn truh hơmơt đei tơdrong au to.

VOV4.Bahnar -  Rim ‘măng kon pơlei kơ pơlei Rơng iŏk jên vei lăng bri, kră pơlei A Đoan năm dơ̆ng tơ̆ rim ŭnh hnam vă pơma dơnuh, pơtho khan ăn kon pơlei iok yua kon jên mă trŏ ƀlep.Mưh truh tơ̆ hnam yă Mai jih pơlei, ƀôh yă tŏk bŏk oei hiĕm iĕr ƀơ ƀrê̆ ƀơ ƀră.

VOV4.Bahnar - ...! Jang kiơ̆ trong jang đơ̆ng Khŭl kơdră teh đak, pơgơ̆r đơ̆ng Anih vei lăng kon pơlei dêh char Kon Tum, hloh 10 sơnăm Anih mong jên Vei lăng păng Hơtŏk tơiung bri dêh char Kon Tum hlôi bơ̆jang kiơ̆ tơdrong pơjao vei lăng bri ăn kơ hloh 3.330 ŭnh hnam păng 168 tơpôl kon pơlei oei, 30 tơ ‘ngla bri iŏk vei lăng hloh 375.000 hek tar bri. Rim sơnăm dôm ŭnh hnam, kon pơlei, tơ ‘ngla bri iŏk jô̆ păh lăp hloh 390 ti hlak jên kla ăn iŏk yua cham char bri. Jên iŏk âu hlôi păng tŏk bŏk tơgop ‘lơ̆ng tơgŭm dôm ŭnh hnam kon pơlei hơtŏk tơiung mŭk drăm sut pơngot tơ jur dơnuh hin păng pơjing tơring tơrang ‘nao.

VOV4.Bahnar

VOV4.Bahnar - Tơdrong chơt hơ-iă tơ̆ Hnam hơkŭmt ơpôl kơ pơlei 'năr âu sô̆ hơ̆k hloh kơ dahia. Hla kơ brê hơnglŏng dreng tơpăr jâ̆p jang, cham adoi rơgoh 'lơ̆ng hloh. Tơdra rơ-ông rơ-ang sô̆ hơ̆k đei aloa rapor dôm ƀai hơri juăt jue kơ kăch mang. Kră pơlei ‘noh ƀok Châm 'nao năm truh tơ̆ 'măng jang Hnam hơkŭm tơpôl noh tơƀơ̆p yă H’San atŭm hăm sau vih đơ̆ng kơchơ

VOV4.Bahnar - Dôm sơnăm tơjê̆ au, kon jên iŏk đei đơ̆ng iŏk yua cham char bri hlôi tơgŭm ăn rim tơ-‘ngla bri đei kon jên vă tơmơ̆t jang vei lăng năng tông bri. Adoi, tơ̆ rim tơring atăih yăih, tơring kon kông hơrih sa tơjê̆ bri, Iŏk yua cham char bri hlôi păng tok bŏk pơjing jơhngơ̆m pran ăn rim pơlei pơla, ŭnh hnam đei rơvơn hơrih sa, roi năr roi yak hloh dơnuh hin, tơklep hăm bri kơjăp hloh dơ̆ng. Pơm tông: “Pơm ăn kơ bri jing ‘lơ̆ng hloh dơ̆ng” kơ yuơ Dơ̆ng chih tơroi tơbăt găh tơdrong jang tơmơ̆t jên jang dơ̆ng ăn bri kơdrơ̆ng păng hơpơi ‘mĕh vă đei tơdrong hơrih sa sơđơ̆ng tơklep kơjăp hăm bri.

VOV4.Bahnar - Dôm sơnăm tơjê̆ au, kon jên iŏk đei đơ̆ng iŏk yua cham char bri hlôi tơgŭm ăn rim tơ-‘ngla bri đei kon jên vă tơmơ̆t jang vei lăng năng tông bri. Adoi, tơ̆ rim tơring atăih yăih, tơring kon kông hơrih sa tơjê̆ bri, Iŏk yua cham char bri hlôi păng tok bŏk pơjing jơhngơ̆m pran ăn rim pơlei pơla, ŭnh hnam đei rơvơn hơrih sa, roi năr roi yak hloh dơnuh hin, tơklep hăm bri kơjăp hloh dơ̆ng. Pơm tông: “Pơm ăn kơ bri jing ‘lơ̆ng hloh dơ̆ng” kơ yuơ Dơ̆ng chih tơroi tơbăt găh tơdrong jang tơmơ̆t jên jang dơ̆ng ăn bri kơdrơ̆ng păng hơpơi ‘mĕh vă đei tơdrong hơrih sa sơđơ̆ng tơklep kơjăp hăm bri.

VOV4.Bahnar - Đơ̆ng kră sơ̆, tơ drô hơlăk, ƀier ‘noh jĭ tơmam huch joăt joe, jĭ tơmam pơma dơnuh lơ̆m dôm ‘măng pơ chơt, păng khŏm khŏm pơ jing đei tơdrong huch tơ drô hơlăk, ƀier. Mă lei tơdăh huch et lơ tơ drô hơ lăk, ƀier, ưh kơ băt vei lăng, ‘noh tơ drô hơlăk ƀier gô pơm kơ nê̆ dôm tơdrong pơvei, pơm ăn hiong răm kơtang găh jơhngơ̆m pran, hơkâu jăn. Pơm tông “ ‘Nĕ kơ lê̆ kơdih jing bơngai dư kơ tơ drô hơlăk”

VOV4.Bahnar - Tơdrong kla ăn kon jên iŏk yua cham char bri ‘moi kiơ̆ tai khoan hơnih ming jên ăn rim ŭnh hnam, rim bơngai, pơlei hlôi tơgop pơm ƀônh lơ̆m kla ăn kon jên. Trong jang au jei pơm ăn dă ƀiơ̆ đei lơ kang ƀô̆ năm truh ba ăn kon jên truh tơ̆ tơpang ti kon pơlei, hơnih jang. Kon pơlei jei hiôk ƀiơ̆ sơng iŏk jên, hoei tơhoach jơ ‘năr yak năm iŏk, pơm dă ƀiơ̆ tơhoach lơ kon jên, trŏ lăp hăm chăl hrei au. Tơdrong pơm tông au tơroi tơbăt găh tơdrong ‘nau hăm hơnăn “Kla kon jên iŏk yua cham char bri ‘moi kiơ̆ tai khoan hơnih mong jên”..

VOV4.Bahnar - Hloi hloh 1 khei kơ au, kon pơlei lơ̆m teh đak pơma atŭm păng rim pơlei pơla Tây Nguyên pơma hơdrô̆ oei tăr văr găh tơdrong mĭnh khul bơngai kơnê̆, pơlôch pơrăm kang ƀô̆, kŏng ang păng kon pơlei tơ̆ dêh char Đak Lăk. Mă đơ̆ng tơdrong sơđơ̆ng hlôi vih hơlơ̆k sơđơ̆ng nhen so mă lei dôm tơdrong pơm kơnê̆ đơ̆ng dôm bơngai kơnê̆ au oei pơm ăn rim pơlei tăr văr păng hơmơt đei pơm kơnê̆ truh tơdrong tơgoăt tơgoăl pôm nơ̆r ƀơ̆r đon đơ̆ng tơdrong hơlĕnh pơdăr, tơchă tơdrong lơ̆m mạng.