VOV4.Bahnar - Kum hăm 52 dêh char, plt nai lơ̆m teh đak, Lêh pơjao linh sơnăm 2025 tơ̆ tơring Tây Nguyên pơgơ̆r lơ̆m ‘năr 13/2/2025 âu ki (jĭ ‘năr 16 khei 1 âm sơnăm Ất Tỵ). Jơhngâm đon chơt hơiă ƀât năr pơm linh păr ang jơ̆p pơlei pơla, truh hăm rim unh hnam đei bơngai năm pơm linh, vă bơ̆ jang tơiung pơjing păng vei lăng teh đak. Pơm tông năr ‘nâu đei hơnăn “Năr năm pơm linh” tơƀôh hơdăh jơhngâm đon tơnăp, chơt hơiă ‘nă hal đơ̆ng đe druh dăm năm pơm linh păng tơdrong hưch hanh đơ̆ng tơring Tây Nguyên đei ƀĕnh tơdrong juăt jang kăch mang.

VOV4.Bahnar - Tây Nguyên oei vă mât lơ̆m pơyan phang. Đơ̆ng rŏng kơ dôm năr pơdơ̆h Têt Nguyên đán, hlơ hlĕng tŏ pơ̆ng kơ̆l, tơdrong pruih đak, vei rong ‘long pơtăm tôch gĭt kăl, mă loi jĭ hăm ‘long cheh phe. Mă lei, oei đei lơ bơngai “xa têt hlŏh tơdrong”, mă loi hăm đe drŏ nglo nŏng kơ et tơdrô, gô kơdroh oei tam mă ‘mĕh năm jang mir na ‘mơ̆i. Pơm tông năr ‘nâu đei hơnăn “Đĭ têt bơih, jăh năm mir năm”, pơma nuh găh tơdrong ‘nâu.

VOV4.Bahnar - Năr ‘nâu jĭ ‘năr 27/12 âm, Tết Nguyên đán Ất Tỵ vă jê̆ truh bơih. Kŭm hăm kon pơlei Việt Nam tơ̆ jơ̆p tơring lơ̆m teh đak, khei ‘năr âu ki, dôm tơdrong jang vei lăng ‘lơ̆ng tơdrong arih xa lơ̆m tơpôl hơnơ̆ng hue lăng truh tơ̆ đe mih ma duch nă tơ̆ tơring hơtăih yăih, tơring sơlam kơ dôm dêh char Tây Nguyên. Tơdrong năm ngôi, hơpăh tơmam Têt ăn kon pơlei đei pơgơ̆r tôch ‘lơ̆ng, vă pơm ăn rim bơngai đei sơng xa Têt chơt hơiă ‘nă hal, ƀĕnh jơhngâm đon ‘mêm băl. Pơm tông năr ‘nâu pơma nuh găh tơdrong tôch hơiă âu.

VOV4.Bahnar - Tơdrong arih xa hrei ‘nâu roi pơdrŏng đei ƀôh, tơdrong răt gre hon đa hăm mih ma duch nă tơ̆ dôm pơlei pơla hơtăih yăih, tơring kon kông ưh pă đei măh pơmat dêh bơih. Mă lei đon vei lăng gre lơ̆m hnam tơnŏ hơnơ̆ng jing tơdrong kăl kơ pơma truh. Lơ mih ma duch nă mưh răt đei gre ‘nŏh ưh kơ đei vei lăng ‘lơ̆ng, lê̆ kon hơ ‘lơ̆p tam tôm sơnăm, ưh đei ƀăng huơ̆r gre… mă iŏk gre hao kơdâu tơ̆ trong tôch hơmơt.

VOV4.Bahnar - Tơdrong arih xa chăl hle hrei ‘nâu hơnhăk ba lơ tơdrong đei yoa, mă loi jĭ tơdrong tĕch mơdro lơ̆m mang internet. Lăp kăl đei jên, ngôi kơtă tơ̆ hnam bưh bơ̆n gơ̆h răt iŏk tơmam đơ̆ng rim teh đak lơ̆m apŭng plenh teh. Mă lei “ƀât lăp kŭm đei tơdrong ưh hơiă ‘năi”, yoa đei lơ bơngai pŭh ƀơm nơ̆r đe hơlĕnh pơdăr mưh răt tơmam online, kơna bơ̆n athei kơchăng hăm tơdrong ‘nâu. Mă loi ƀât hơtuch sơnăm, vă jê̆ têt, lơ bơngai pơm yoch hơnơ̆ng chă trong hơlĕnh pơdăr vă iŏk pơgâm jên đe.

VOV4.Bahnar - Tơdrong et tơdrô, ƀier pơlŭk pơlăk lơ̆m năr et xa pơm tơlĕch lơ tơdrong răm. Mă loi ƀât hơtuch sơnăm, đe đa pơgơ̆r et pơkong, et tŏk hnam, et xa hơtuch sơnăm, et tơƀlŏk năr rơnĕh, pơm ăn lơ bơngai jing ưh kĕ vei lăng kơdih kâu, hơnơ̆ng kơ et tơdrô soai. Tơdrong et tơdrô ưh lăp pơm glăi luơ̆t hao gre, đei sek phak jên đĕch mă lei ƀât lăp oei hao gre tâm preh đe, pơrăm truh tơ̆ jơhngâm pran dơ̆ng.

VOV4.Bahnar - Rim sơnăm, mưh mơ̆t lơ̆m hơtuch sơnăm, hơmet ăn sơng Tết, tơdrong tĕch hơmlăi ôn păng đei tơdrong truh yua đơ̆ng chă pơm kơdih hơmlăi ‘noh đei ƀôh. Mă loi ‘noh jĭ, tơdrong hŏk tro chă mơ̆t pơih lơ̆m mạng tơpôl răt chơ ngoi vă chă pơm hơmlăi hlôi pơm ăn lơ tơdrong truh jĭ jơhngơ̆m. Dôm tơdrong jang âu ưh khan lăp pơm glăi khôi luơ̆t mă oei tơhli kơtă truh hơkâu jăn lơ bơngai. Pơm tông hơtuch giĕng năr ‘nâu đei hơnăn “Tơdrong răm đơ̆ng hơmlăi đôh”.

VOV4.Bahnar - Hrei ‘nâu yă chĕh phe tŏk hơnơ̆ng, tôch măk pơting hăm dôm sơnăm adrol ki. Hơdai hăm hiôk chơt yoa chĕh phe ‘lơ̆ng, yă tĕch măk, bơngai pơtăm chĕh phe oei kŭm tôch pơngơ̆t, hli kơ đe phĕ tơtông chĕh phe ƀât mă kơplăh dang ei lu bơngai tơtông ưh lăp phĕ tơtông đĕch mă oei kăt, gơ̆ hloi dơng chĕh phe, pơm hiong răm tôch lơ ăn bơngai pơtăm lơ̆m dôm sơnăm truh. Tơdrong dăr joang, vei lăng tơmam ăn unh hnam păng tơpôl tơ̆ hơnăp tơdrong krê kơ đe tơtông klĕ ‘nŏh jĭ tơdrong tôch kăl.

VOV4.Bahnar - Đunh kơ âu hlŏh 20 sơnăm, Anih Trung ương Mặt trận Tổ quốc Việt Nam hlôi tơchơ̆t iŏk ‘năr 18/11 rim sơnăm jĭ “Năr tơguăt đĭ đăng hơdrĕch hơdrung”. Dôm năr ‘nâu, tơ̆ Tây Nguyên păng lơ̆m teh đak oei pơgơ̆r “Năr tơguăt đĭ đăng hơdrĕch hơdrung” hăm jơhngâm đon chơt hơiă ‘nă hal păng ‘mêm băl đơ̆ng đĭ đăng kon pơlei. Kơdră chĕp kơ̆l Đảng, teh đak, anih chĕp kơ̆l đảng, khul kơdră pơgơ̆r dôm tơring vang chơt hơdai hăm đĭ đăng kon pơlei lơ̆m Năr âu.

VOV4.Bahnar – Tơdrong juăt rong kơpô, rơmo hơchăng kư̆ kă, ưh đei pơm hơdrong ‘nŏh jĭ tơdrong jang xa ưh kơ ‘lơ̆ng kiơ mă lei oei đei ƀôh lơ tơ̆ dôm pơlei pơla tơ̆ tơring hơtăih yăih, tơring kon kông tơ̆ Tây Nguyên. Trong rong kon tơrong thoi âu oei pơm ‘mê̆ ‘mach truh tơ̆ cham char, ƀơm ưh ‘lơ̆ng truh jơhngâm pran tơpôl, pơlei pơla hia. Pơm tông năr ‘nâu pơma nuh găh tơdrong ‘nâu, hơpơi kơmih ma duch nă păng bôl boăl vang mơ̆ng.