VOV4.Bahnar - Dôm năr ‘nâu, lơ̆m teh đak đei lơ tơdrong jang tôch hơiă vă tơbăt 134 sơnăm Năr rơnĕh Ƀok Hô. Kon pơlei dôm hơdrĕch kon kông tơ̆ tơring Tây Nguyên, mă đơ̆ng tam mă biơh sơng Ƀok truh ngôi, jơhngâm đon ‘lơ̆ng Ƀok Hô oei hơnơ̆ng jing tơdrong hưch pran vă pơlung kon pơlei mât 1 ƀơ̆r đon, bơ̆ jang gơ̆h hơgei, pơjing pơlei pơla roi đunh roi pơdrŏng ‘lơ̆ng rŏ. Tông đei hơnăn “Tây Nguyên hŏk pơhrăm kiơ̆ Ƀok Hô” pơma nuh găh tơdrong ‘nâu.

VOV4.Bahnar - Jang kiơ̆ Tơdrongh jang tơplih kơsô̆ teh đak truh sơnăm 2025, lăng truh sơnăm 2030 kơ Khul kơdră Teh đak, rim tơring pơtrŭt kon pơlei choh jang sa jang kiơ̆ kmăi kmŏk kơsô̆ vă hơmet pơ ‘lơ̆ng trong choh jang sa, pơm tơlĕch tĕch mơdro. Hăm trong “Mĭnh ‘nu kon pơlei ‘noh bơngai mơdro sa jang kiơ̆ kmăi kmŏk kơsô̆”, kon pơlei kăl đei pơtho ăn mă hơdăh vă jang kiơ̆ kmăi kmŏk kơsô̆ lơ̆m choh jang sa, tĕch mơdro tơmam drăm choh jang sa. Pơm tông tơ̆ hơla au tơroi tơbăt tơdrong ‘nau.

VOV4.Bahnar - Chă tơmang lăng tơpôl ‘nŏh jĭ nơ̆r hơnơ̆ng đei pơma truh. Lơ̆m dôm sơnăm tơjê̆ âu, tơ̆ tơring Tây Nguyên, roi đunh roi đei lơ bơngai chă tơmang lăng năm truh tơ̆ dôm pơlei pơla chă hơlen năng tơdrong ‘lơ̆ng hơiă đơ̆ng cham char bri brăh păng dôm tơdrong juăt tôch hơiă đơ̆ng kon pơlei kon kông tơ̆ âu. Lei, dôm tơdrong ‘lơ̆ng hơiă vă sơng iŏk tơmoi chă tơmang lăng ‘nŏh yă kiơ? Tơdrong pơm tông năr ‘nâu pơma nuh găh tơdrong ‘nâu. Hơpơi kơmih ma duch nă păng bôl boăl vang mơ̆ng.

VOV4.Bahnar - Tây Nguyên oei tŏk bŏk lơ̆m pơyan phang, tŏ hang kơnê̆ hlŏh. Đơ̆ng rŏng kơ dôm jơ hŏk tơ̆ lăm, đe hơiŏh đa chông băl năm tơ̆ đak krong, thong đak pơm ngôi, mă ưh ‘nŏh hum tơ̆ dơnâu, sơlŭng đak tôch kơ krê. Mă tơpă ăn ƀôh, khei ‘năr tơjê̆ âu tơ̆ tơring Tây Nguyên hơnơ̆ng đei hơiŏh lôch glơ̆k tôch mơnat. Bơ̆n athei pơm thoi yơ vă veh ver dôm tơdrong ơh sơ ‘ngon, jĭ jơhngâm âu? Tơdrong pơm tông năr ‘nâu pơma nuh găh tơdrong ‘nâu.

VOV4.Bahnar – Mă tơpă lơ sơnăm ‘nâu, lơ unh hnam tơ̆ pơlei pơla jang xa kŭm tôch đei, mă lei yoa ưh gơ̆h mong, ‘mơ ‘met jên kơna hơnơ̆ng đei tơdrong kăt yă, vă akhan iŏk xa jên đe hơdrol, jang kla đơ̆ng rŏng, krăn khan: “Xa ƀăt-măt kiĕk”. Tơdrong ‘nâu pơm hiong răm ăn kon pơlei hlŏh 1 puăt tơmam jang đei lơ̆m sơnăm, pơm ăn tơdrong arih xa kơ đe mih ma duch nă ƀônh huŏng lơ̆m tơdrong tơnuh hin, pơmat tat. Tông năr ‘nâu pơma găh tơdrong ‘nâu.

VOV4. Bahnar - Tŏk bŏk pơyan phang 'năr tŏ hlơ hlĕng, hue lăng bri 'long găh tu thong đak Plei K’Dung ƀlĭk jing tôch 'lơ̆ng nhen thoi tơiung jơhngâm ƀok Thành, kră pơlei Plei K’Dung adrin hlŏh dơ̆ng mưh chă roi tơƀôh ăn kon pơlei kơchăng tang găn unh xa bri. Mă loi, kơplăh dang ei, kon pơlei đa sŏh hơmet mir vă choh jang pơyan plơ̆ng dơ̆ng. Til pơgê, ƀôh unh hnam yă Soanh oei choh hơmet 'ngiĕt lơ̆m mir vă sŏh, ƀok Thành truh pơma nuh:

VOV4.Bahnar – Tây Nguyên đei 4 dêh char đei trong sơlam tơkuh hăm dôm teh đak boăl Lào păng Campuchia. Dôm sơnăm kơ âu, khul Linh vei sơlam teh kơ dôm dêh char lơ̆m tơring ưh hơdrô̆ jang tơnăp tơdrong vei sơđơ̆ng tơpôl tơring sơlam kơ teh đak, mă oei đei lơ tơdrong jang tơgŭm kon pơlei hơtŏk mŭk drăm – tơpôl. ‘Năr âu, năr 3/3 Tơbăt 65 sơnăm Năr tơ-iung pơjing Ƀô đô̆i vei sơlam teh păng 35 sơnăm Năr tôm kon pơlei vei sơlam teh, tơdrong tơroi đei tông hơnăn “Bơnê kơ ƀô đô̆i vei sơlam teh”.

VOV4.Bahnar - Jur et sa ‘noh jĭ 1 lơ̆m dôm tơdrong et soi tơklep hăm tơdrong arih sa jang sa kơ dôm hơdrĕch kon kông Tây Nguyên đơ̆ng sơ̆ khơ̆ dang ei. Mưh kĕch yuă ƀa đang, ƀa tăh ƀĕnh kơ pơk dôm pơlei pơla, dăh mă rim ŭnh hnam hơmet ăn dôm tơmam soi nhen: iĕr, tơdrô ge, por đei pai đơ̆ng ƀa hle... rơih năr ‘lơ̆ng vă pơgơ̆r et jur sa. ‘Nâu jĭ et soi vă bơnê kơ Yang hri păng dôm Yang hlôi asong ăn ‘mi rŏ tŏ hơlăng, jang sa đei ƀa lơ, hơdai hăm ‘meh vă jơhngơ̆m pran jăng grăng hơkâu, tơdrong arih sa hiôk jơnap. Pơm tông năr ‘nâu, pơma dơnuh găh et jur sa.

VOV4.Bahnar

VOV4.Bahnar - Et hơ̆t đei pơrăm ăn jơhngơ̆m pran, mă lei ưh kơ sĭ bu bu lơ̆m bơ̆n kŭm hlôh đĭ dôm tơdrong pơrăm kăl athei tơjră mưh et hơ̆t. Bơngai dư kơ hơ̆t đa akhan yua đơ̆ng âu đơ̆ng to vă pơma pơhlom ăn tơdrong glăi đơ̆ng kơdih mă ưh kơ tơchă trong vă hŭt tơdrong joăt kơ nê̆ ‘noh. Pơm tông hơtuch giĕng năr ‘nâu pơma dơnuh găh tơdrong ‘nâu.