VOV.Bahnar - Lơ̆m tơdrong hơrih sa chăl ‘nao hrei ‘nâu, jơva chĭng chêng roi đunh roi ưh pă kơ tơ̆ng, tơplih kơ ‘noh jĭ jơva điên thoăi, ŭnh hơdăh đơ̆ng kong tơnuh roi pă gan bang tơ̆ hơla ŭnh kơ đeng pơlei tơm ‘noh dôm kơjă kăp gĭt tơ̆ pơlei pơla, dôm jơva đơ̆ng bri kông Tây Nguyên kŭm dơ̆ng tơ̆ hơnăp kơ tơdrong hiơt hiong. Mă lei oei đei dôm bơngai mơlôh ƀĕnh jơhngơ̆m đon hưch hanh tŏk bŏk adrin chĕp vei. Đe sư ưh khan lăp pŭ reo năm tơ̆ mir đĕch, mă oei chĕp kơmăy kuay vă kuay iŏk rim tơdrong đơ̆ng pơlei pơla. Vei pơhngol pơlei hrei ‘nâu ưh khan lăp vei hăm nơ̆r tơroi đĕch, mă oei jing vei hăm um rup, hăm video, hăm dôm chư chih ‘mêm kơ eng lơ̆m man hinh iĕ vă tơdrong arih sa ‘lơ̆ng hơiă kơ pơlei pơla gơh năm hơtăih, ƀơm truh kơ triê̆u plei nuih.