VOV.Bahnar - Tơpă ‘nei, hŏk đăi hŏk jĭ tơdrong hơpơi ‘mĕh đơ̆ng lơ bơngai, mă lei ưh kơsĭ lăp 1 trong ‘nŏh vă chă tơdrong jang đĕch ôh. Hăm lơ bôl boăl druh dăm tơ̆ tơring kon kông, hŏk tơdrong jang kŭm jing tơdrong tôch ‘lơ̆ng, vă tơgŭm ăn đe oh pơm hơtŏk kơdih kâu, vang tơgop jơhngâm pơjing pơlei pơla. Pơm tông năr ‘nâu đei hơnăn “Hŏk tơdrong jang kŭm jing trong yak ‘lơ̆ng ăn ning mônh” hai.

VOV4.Bahnar - Mât lơ̆m pơyan ‘mi, pơmâu bri chăt tôch lơ, lơ̆m noh đei hloi pơmâu chrih, ưh gơ̆h xa, mưh buch pai xa sư pơm ăn bơngai xa soai hăk, ƀât lăp pơm tơlĕch tơdrong lôch răm hloi. Pơm tông “Mât lơ̆m pơyan ‘mi – Athei kơchăng hăm pơmâu hlĭch, xa lôch” jĭ nơ̆r tơtă ăn mih ma duch nă: Lê̆ kơ buch, lê̆ kơ pai xa dôm kơloăi pơmâu hlĭch chrih, ưh băt pơmâu kiơ.

VOV4.Bahnar - Lơ̆m jơhngâm đon chơt hơiă kơ dôm năr blŭng khei 7 tôch gĭt kăl, ƀât mă dêh char ‘nao, đei pơjing đơ̆ng tơmât hơdai dôm dêh char Tây Nguyên păng tơring tơter đak dơsĭ găh Tơring Tŏk bŏk đei mât bơ̆jang. Pơm tông năr ‘nâu gô chông ba mih ma duch nă năm tơ̆ plei Groi, anih kră pơlei ƀok Rinh juăt huch ngôi cheh phe păng mơ̆ng Radio rim pơgê. Tơdrong tơƀâp tôch hơiă đơ̆ng kră pơlei hăm hơdruh công an H’Điêu jing jơ chă pơđou dơ̆ng dôm tơdrong juăt ‘lơ̆ng đơ̆ng sơ̆ kơ hơdrĕch hơdrung păng đon hơpơi ‘mĕh jang tŏk hăm tơdrong mât 1 ƀơ̆r đon đơ̆ng bri kông hăm đak dơsĭ.

VOV4.Bahnar - Tơ̆ tơring teh Tây Nguyên ƀĕnh tŏ kial, tơdrong arih xa kơ lơ kon pơlei kon kông oei tôch pơmat tat, tơdrong jang "Sut pơđĭ hnam hiăh hiok" tŏk bŏk oei hơnhăk ba lơ tơdrong tơplih tôch ‘lơ̆ng. Ưh lăp đei lơ hnam ‘nao kơjăp ‘lơ̆ng đĕch, mă oei jing tơdrong tơƀôh hơdăh tơdrong mât 1 jơhngâm đon đơ̆ng khul kơdră tơring, khul linh păng kon pơlei. Pơm tông “Sut pơđĭ hnam hiăh hiok – Pơjing tơdrong arih ning mônh kơnh” jĭ tơdrong pơma nuh tôch hơiă đơ̆ng công an xăh, đei hơnăn H’Linh hăm kră pơlei, tơƀôh hơdăh tơdrong ‘lơ̆ng đơ̆ng dôm bơbŭng hnam ƀĕnh jơhngâm đon ‘mêm mơnat âu.

VOV4.Bahnar - Hyưp kơsơ̆ ‘năr vă jur hơla kông Kơdang. Ma Lên, ƀă H’Linh oei ngôi ƀât hang lơng hnam kơjung, pat hơmet ‘nhik vă năm choh ‘ngiĕt. Mĕ Linh oei hơpuih hơmet hnam nhen oei tơchĕng tơdrong kiơ ‘nŏh. Oei 2 ‘nu kon ‘nŏh pơđeng hơnul tơ̆ cham, hơbăn ao ‘mê̆ đĭ.

VOV4.Bahnar - Ƀât mă tơdrong arih xa chăl ‘nao păng kơmăy kơmŏk roi tơbăt ‘nao oei păr ang jơ̆p jang, dôm bơngai chih hla ar tơroi ăn Radio nơ̆r pơma VN oei hơnơ̆ng chĕp ba nơ̆r pơma đơ̆ng pơlei pơla vă pơih lơ̆m Radio, pơih hloi lơ̆m internet, mang tơpôl. Năm truh ‘măng tơbăt 100 sơnăm Năr Hla ar tơroi Việt Nam (21/6) Tơdrong tơroi năr ‘nâu nhôn pơm tông “Nơ̆r pơma đơ̆ng pơlei pơla”. ‘Nŏh jĭ tơdrong pơma nuh tôch hơiă đơ̆ng Kră pơlei (bơngai hơnơ̆ng mơ̆ng Radio nơ̆r pơma VN) hăm hơdruh chih tơdrong kơtơ̆ng ang. Mă đơ̆ng chih hla ar tơroi kiơ̆ thoi so dăh mă kiơ̆ chăl ‘nao ‘nŏh tơtă đei 1 hơnăp atŭm ‘nŏh jĭ: chĕp vei nơ̆r pơma đơ̆ng pơlei pơla, chih tơroi trŏ ƀlep – tơtom, hơmet kơjăp tơdrong pơvei đơ̆ng kon pơlei hăm Đảng.

VOV4.Bahnar - ‘Nao ƀât blŭng pơyan ‘mi, mă lei tơ̆ tơring Tây Nguyên hlôi đei lơ ‘măng tŏ ‘mi kial kơnê̆ nhen ‘mi kial, phŭt huơ̆r, grâm glăih… pơm hiong răm lơ găh bơngai păng tơmam drăm. Mă loi, lăp dang 1 khei âu, tơ̆ tơring đei lơ ‘măng glăih tăih lôch bơngai tơ̆ mir. Tơdrong krê hơmơt hlŏh dơ̆ng ‘nŏh tơ̆ 1,2 tơring, kon pơlei oei ưh đei đon kơchăng tang găn tơdrong sar bar đơ̆ng tŏ ‘mi kial kơnê̆.

VOV4.Bahnar - Vă tang găn hơioh glơ̆k kơ đak, gre tơ̆m preh băl, điên hyup păng yua tơmam điên tư lơ̆m pơyan he dêh hnang, ƀlep ƀơ̆t ‘năr 1/6, Khŭl jang Đoàn kơ xăh hlôi jang hơdai hăm dôm anih jang pơgơ̆r tơroi tơbăt truh rim pơlei pơla, hơmet ăn tơdrong băt vei sơđơ̆ng ăn kơ đe oh, tơgop hơnhăk truh 1 pơyan he chơt hiôk, đei yua păng ‘lơ̆ng hơiă.

VOV4.Bahnar - Oei arih sơ̆, Ƀok Hô hơnơ̆ng ‘măn jơhngâm đon ‘mêm kơeng hăm rim hơdrĕch kon kông. “Kông gơ̆h hach hơlih, đak krong gơ̆h hrơ̆, mă lei jơhngâm đon Ƀok ‘mêm kơ kon pơlei tơring Pơbăh ưh đei lai yơ tơplih” – nơ̆r Ƀok Hô tơtă lơ̆m kơthơ gơih ăn Hop akŏm dôm hơdrĕch kon kông tơring Pơbăh sơnăm 1946 oei đei hơnơ̆ng lơ̆m jơhngâm đon rim jơhnơr. Tơbăt 135 sơnăm năr rơnĕh Ƀok Hô (19/5) jĭ jơnăr vă jơhnơr mơlôh tơ̆ pơlei pơla Tây Nguyên tơƀôh jơhngâm đon băt bơnê hăm Ƀok, adrin iung jang xa, jang kiơ̆ kơmăy kơmŏk, vei lăng ‘lơ̆ng cham char păng vei kơjăp tơdrong juăt joh ayŏ kơ dŏ xoang kơ hơdrĕch hơdrung. Pơm tông “Sơnăm mơlôh Tây Nguyên pơm kiơ̆ nơ̆r Ƀok Hô” tơƀôh jơhngâm đon ‘nŏh.

VOV4.Bahnar - Tơmât hơdai dêh char păng khul kơdră pơgơ̆r 2 păl jĭ hơyak năm gĭt kăl vă kăt tơjur khul bơngai jang, pơm hơtŏk tơdrong đei yoa ‘lơ̆ng mưh pơvih ăn kon pơlei. Đon lui hăm tơdrong chĕp kơ̆l pơgơ̆r đơ̆ng Đảng păng teh đak, kon pơlei tơ̆ pơlei pơla Tây Nguyên tôch lăp đon, vang pơjing tơring roi đunh roi tŏk pran, gơ̆h hơgei.