VOV.Bahnar - Kiơ̆ tơdrong joăt, đơ̆ng rŏng kơ 1 pơyan phĕ cheh phe đang, kon pơlei jang chŭn mir Tây Nguyên đa pơgơ̆r et sa, krao ‘noh “Et xa ngôi đơ̆ng rŏng kơ phĕ đang cheh phe”. Tơƀôh đon chơt hơiă đơ̆ng ŭnh hnam hăm pơlei pơla đơ̆ng rŏng kơ pơyan jang đei iŏk yua lơ, păng kơkuh chơt hơiă Hop akŏm Đảng lơ̆m teh đak ‘măng mă XIV jơnei ‘lơ̆ng hơiă.

VOV.Bahnar - Dôm năr âu, jơ̆p pơlei pơla Tây Nguyên rơ ông rơ ang kơ tơdrong et sa, hơmet ăn sơng pơyan Puih mak ‘nao. Hơdai hăm tơdrong chơt hơiă ngôi hơdai, tơdrong vei lăng sơđơ̆ng tang găn ŭnh sa lơ̆m pơyan tŏ phang ‘noh jĭ tơdrong tôch kơ gĭt kăl. Lăp ưh kơ pơ ‘lơ̆ng tŏ sĕt lơ̆m tơdrong yua ŭnh gô pơm ăn hiong răm ơh sơ ‘ngon. Pơm tông "Tang găn ŭnh sa đôh - Athei vei ŭnh pơyan phang" gô tơroi tơdrong ‘nâu, hơvơn kơ mih ma... vang mơ̆ng.

VOV.Bahnar - Tơ̆ lơ pơlei pơla Tây Nguyên, lơ bơngai oei lăng pơhơi rơka jĭ đơ̆ng kŏ, meo kăp, ƀât lăp chă ôp rơka pơgia ngôi, đang kơ ‘nŏh pung bơ̆n rơnok hât, pung bơ̆n mĕnh gŏ mă ưh đei năm ƀet pơgang tang găn jĭ vơnh. Đon ưh kơchăng, lăng pơhơi ‘noh jing đei tơdrong lôch răm tôch mơnat yoa đơ̆ng jĭ vơnh iung ranh. Pơm tông “Bơngai hlôh vao ưh đei lê̆ lôch yoa đơ̆ng kŏ kăp” ‘mĕh tơtă ăn rim unh hnam athei kơchăng, năm ƀet pơgang tang găn jĭ vơnh mă tôm ăn kŏ, meo păng chơ ba bơngai đei kŏ meo kăp năm ƀet vắc xin mă tơtom vă vei lăng kơdih kâu păng rim răih đe hơioh.

VOV.Bahnar - Đơ̆ng rŏng ‘mi tih đak lơ̆p, lơ tŏ hnam oei kơ kon pơlei tơ̆ tơring Pơbăh Tŏk bŏk păng Tây Nguyên đei hư răm, tơdrong hơrih sa tôch kơ mơmat tat. Lơ̆m tơdrong mơmat tat ‘noh, jơhngơ̆m đon tơgoăt tơgoăl, tơdrong vang tơgŭm đơ̆ng khŭl kơdră, khŭl lĭnh păng tơdrong ‘mêm băl sa roi đei păr ang dơ̆ng. Pơm tông “Pơm ming hnam dơ̆ng - Vei tơnŏ jơhngơ̆m kon pơlei”, tơƀôh jơhngơ̆m đon ‘lơ̆ng noh, tơgŭm kon pơlei tơring đak lơ̆p jăh sơđơ̆ng tơdrong hơrih sa.

VOV.Bahnar - Tơ̆ bri găh tu đak, dôm tơ ‘mơ̆ng ‘lơ̆p tŏk bŏk bluh đơ̆ng rŏng kơ dôm khei sơnăm tơƀôh bri kơdrơ̆ng đei kơh phă, pơih ăn tơdrong tơroi găh tơdrong vei bri, vei đak păng pơm lăp hăm tơplih tŏ ‘mi kial. Pơm tông Vei lăng bri ‘noh vei lăng khei ‘năr tơ̆ hơnăp kơnh, jing tơdrong tơroi đơ̆ng kră pơlei ƀok Tơ păng mŏ Hoa, tơtă ăn kơ bơ̆n vei lăng bri ‘noh jĭ vei lăng khei ‘năr tơ̆ hơnăp kơnh kơ pơlei pơla, tơ̆ hơnăp kơnh kơ kon oh bơ̆n.

VOV.Bahnar - ‘Măng ‘mi tih đak lơ̆p âu ki tơ̆ tơring găh Pơbăh kơ tơring Tŏk bŏk păng Tây Nguyên hlôi pơm ăn lơ bơngai lôch răm, đak jroh hoch mŭk tơmam, pơm ăn lơ ŭnh hnam hiong pơgoh, hơioh hơrih hơdrô̆, ưh kơ đei bơngai oei hơdai, pơlei pơla hiong răm đĭ. Hăm tơdrong pơgơ̆r hăt hot đơ̆ng Đảng, Khŭl kơdră teh đak, tơdrong mơ̆t jang đơ̆ng khŭl lĭnh kơpal, Mặt trận Tổ quốc păng dôm khŭl grŭp, kŭm hăm kon pơlei lơ̆m teh đak hlôi tơtom tơgop, tơgŭm kon pơlei tơring đak lơ̆p jăh tơiung ming tơdrong hơrih sa.

VOV.Bahnar - Đơ̆ng rŏng ‘mi tih pơdui đunh pơm ăn tơdrong phĕ păng sơ̆k cheh phe đơ̆ng kon pơlei tơƀơ̆p lơ pơmat tat. Kiơ̆ đơ̆ng noh ăn ƀôh, tơdrong pơm tơlĕch iĕ, răh rai roi ‘năr roi ƀôh ưh kơ ‘lơ̆ng, athei tơlĕch ăn ‘noh jĭ kon pơlei jang chŭn mir kăl kơ tơplih trong jang, lăng kăl hơtŏk ‘lơ̆ng tơmam, hơdai hăm vang jang tơdrong jang hơp tak xăh vă jang hơdai pơm tơlĕch, tĕch mơdro kiơ̆ trong jang. ‘Nâu đei lăng jing trong năm kơjăp tơgŭm kon pơlei sơđơ̆ng anih tĕch, hơtŏk kơjă tơmam choh jang sa tơ̆ hơnăp tơdrong tơplih đơ̆ng anih tĕch mơdro.

VOV.Bahnar - Dôm năr âu, tơring Tŏk bŏk oei kơrŭn jơhngơ̆m lơ̆m ‘măng ‘mi kial hơbŭt, lơ tơring đak lơ̆p, hnam oei păng chŭn na đei đak jroh. Hue lăng truh tơring đak lơ̆p, kon pơlei Tây Nguyên vang tơgop tŏ sĕt phe, tŏ sĕt ƀum, pơtruh jơhngơ̆m đon vang tơgŭm. Hơvơn kơmih ma duch nă păng vang mơ̆ng “Jơhngơ̆m đon ‘mêm đơ̆ng bri kông pơtruh ăn tơring hiong răm đơ̆ng ‘mi tih pơrăm” – tơroi truh tơdrong ‘lơ̆ng găh jơhngâm đon hơnơ̆ng ‘mêm băl đơ̆ng kon pơlei tơ̆ tơring groi kông.

VOV.Bahnar - Et hât hăm et tơdrô phă jơhngâm pran tôch dêh, sư pơm tơlĕch lơ tơdrong jĭ krê hơmơt dơ̆ng. Đe mih pơla, ma pơlei athei hŭt lê̆ dôm tơdrong juăt kơnê̆ âu, kơchăng khăm hơlen năng jơhngâm pran tơ̆ hnam pơgang vă gơ̆h đei jơhngâm pran 'lơ̆ng, arih xa hơdai hiôk chơt hăm unh hnam păng pơlei pơla.

VOV.Bahnar - Lơ̆m tơdrong choh jang hrei ‘nâu, tơdăh lăp pơmơ̆ng kiơ̆ lơ̆m tơdrong hlôh vao ƀok yă tơƀôh ăn, jang kiơ̆ trong joăt so ‘noh hơnat kĕ pơm pơdrŏng. Hrei ‘nâu, kon pơlei jang chŭn mir ưh khan lăp pơnam đĕch mă oei athei băt jô̆ hơlen, băt jang hơdai, băt pơm tơlĕch kiơ̆ ‘meh vă đơ̆ng anih tĕch mơdro. ‘Meh đei pơyan jang iŏk yua lơ, athei tơplih đon tơchĕng, trong jang đơ̆ng jang pơyua ăn kơdih jing pơm tơlĕch tơmam, đei hla ar pơkăp răt pơđĭ, vei sơđơ̆ng ‘lơ̆ng. Pơm tông “Tơplih ming đon tơchĕng - Jang sa roi đei” pơma dơnuh tơdrong ‘nâu.