VOV.Bahnar - Tây Nguyên tŏk bŏk hơmet ăn yak mơ̆t lơ̆m pơyan tŏ. Tơ̆ hơnăp tơdra hơdrol gô đei krê hơmơt, tơdrong jang tang găn tŏ phang tŏk bŏk đei khŭl kơdră tơring păng kon pơlei hăt hot tơlĕch jang. Đơ̆ng tơdrong kôch hơmet hơbong thong đak, hơlen lăng dơnâu mong đak, truh krao hơvơn kon pơlei iŏk yua trong tơruih ‘mơ ‘met păng yua đak trŏ lăp... Kơchăng đơ̆ng hrôih, hơmet mă hơlen vă tơjur ƀiơ̆ hiong răm, vei lăng mir ƀa lơ̆m pơyan tŏ vă jê̆ truh ‘noh jĭ tơdrong pơm tông năr ‘nâu.