VOV.Bahnar - Dôm ‘măng ‘mi jruh hơnhăk truh jing ‘lơ̆ng ăn bri kông păng mir roh Tây Nguyên, mă lei kŭm jing jơ năr kial hơbŭt prŭt huơ̆r, grơ̆m glaih đei ƀôh ưh kơ ê, tơhli truh hơkâu jăn păng mŭk tơmam kơ kon pơlei. Tơpă yan au ăn ƀôh, lơ ‘măng sar bar jĭ jơhngơ̆m đei ƀôh lăp yua đơ̆ng tơdrong pơm pơ hơi dăh mă ưh kơ tang găn. Tơ̆ hơla âu, hơvơn kơmih ma duch nă păng bôl buăl vang mơ̆ng pơm tông "Grơ̆m glăih pơyan ‘mi”.

VOV.Bahnar - Hơdrol kơ sơnăm hŏk ‘nao, tơdrong chhôk hơiă mưh kon oh truh tơ̆ hnam trưng ling lang năm hơdai hăm tơdrong bơngơ̆t kơ jên răt bơ̆n hla ar đŏk, hal ar chih, hơbăn ao păng jên nôp hŏk blŭng sơnăm, mă loi ‘noh jĭ hăm lơ unh hnam tơ̆ tơring tơrang, tơring kon kông. Mă lei, đơ̆ng tơdrong bơngơ̆t truh đơ̆ng Teh đak truh dôm tơdrong vang tơgŭm lơ̆m pơlei pơla, lơ mĕ ƀă hŏk tro hlôi đei dơ̆ng đon lui vă hơnơ̆ng tưk tơiung jăl trong hŏk pơhrăm ăn kon oh kơdih.

VOV.Bahnar - Yak truh tơbăt 79 sơnăm Năr Linh jĭ rơka - Linh lôch tang ăn teh đak (27/7/1947 – 27/7/2026), sơnăm mơlôh lơ̆m teh đak pơma atŭm păng sơnăm mơlôh rim pơlei pơla Tây Nguyên pơma hơdrô̆ tŏk bŏk đei dôm tơdrong jang tôch kơ ‘lơ̆ng vă pơtrơp pla ŭnh joăt joe. Pơm tông hơtuch giĕng năr ‘nâu đei hơnăn “Chĕp vei tơdrong joăt ‘lơ̆ng”, jĭ tơdrong pơma dơnuh ƀĕnh jơhngơ̆m mơnat đơ̆ng Kră pơlei K’Brik păng drŏ kăn bí thư Chi Đoàn druh dăm găh tơdrong joăt joe “Nhă đak ƀlŏk kơ tu” đơ̆ng hơdrĕch hơdrŭng bơ̆n.

VOV.Bahnar - Hrei ‘nâu, Tây Nguyên tŏk bŏk yak mơ̆t lơ̆m pơyan ‘mi, 1,2 pơlei pơla oei tơ̆ jih, tơter đak krong, tơring thŭng tôch hơmơt kơ ‘mi tih đak lơ̆p. Yua thoi noh, kơchăng tang găn ‘mi tih đak lơ̆p ‘noh jĭ trong kon pơlei vei iŏk ƀa hơƀo, vei iŏk tơdrong hơrih kơdih bơ̆n. Tơ̆ hơla âu, hơvơn kơmih ma duch nă păng bôl buăl vang mơ̆ng pơm tông: “Vei đak ăn kơ chŭn na, vei teh ăn kơ pơlei pơla”.

VOV.Bahnar - Pơyan pơdơ̆h he jĭ jơnăr đe hơioh pơdơ̆h ngôi đơ̆ng rŏng 1 sơnăm hŏk pơhrăm. Mă lei, lăp dôm khei âu ki, tơ̆ Tây Nguyên đĭ đei hlŏh 20 ‘măng glơ̆k kơ đak, bơngai răm ‘nŏh tơtă đe hơioh ngăl. Tơ̆ dôm tơring tơrang, tơring hơtăih yăih, ƀât bơngai ‘lŏ, bơngai kră hăt choh jang mir, đe ‘lơ ‘lơ̆p chă pơm ngôi kơdih, chông băl jur hum tơ̆ đak krong, tơ̆ dơnâu đak, đơ̆ng noh jing đei tơdrong lôch glơ̆k tôch kơ mơnat. Pơm tông hơtuch giĕng năr ‘nâu đei hơnăn: "Lê̆ ăn pơyan pơdoh he jing tơdrong ơh sơ ‘ngon" jĭ nơ̆t tơbăt găh tơdrong ‘nâu.

VOV.Bahnar - Hơnih mạng tŏk bŏk pơih ăn lơ tơdrong hiôk vă roi tơƀôh dôm kơjă kăp gĭt joh ayŏ joăt joe truh hăm lơ lap tơpôl. Lơ buăl mơlôh hlôi tơgĕch iŏk yua mạng tơpôl vă păr ang tơdrong hơri brông, nơ̆r pơma păng tơdrong ‘lơ̆ng hơiă kơ hơdrĕch hơdrŭng kơdih. Lơ̆m pơm tông tơ̆ hơla âu, hơvơn kơmih ma duch nă păng bôl buăl vang răp mơ̆ng tơdrong tơroi găh tơdrong hơnhăk hơri brông truh jê̆ hloh hăm rim bơngai ‘moi kiơ̆ mạng.

VOV.Bahnar - Tơdrong hiôk chơt lơ̆m ŭnh hnam ƀơ̆t lăp ưh kơ oei tơ̆ dôm tơdrong tih đĕch, mă đei tơ̆ lơ̆m tơdrong hlôh băl păng tơgŭm, pơdŏng băl dôm tơdrong jang hmă rim năr. Đơ̆ng rŏng dôm jơ năm tơ̆ mir gleh lap, lei tơpang ti đơ̆ng drŏ nglo hăm vă chu vang pơdŏng pŭ trăp kŭm hăm hơkăn ưh? Ƀlep ƀơ̆t năr Ŭnh hnam Việt Nam 28/6, hơvơn kơmih ma duch nă păng bôl buăl vang mơ̆ng pơm tông: “Mĭnh pơbŭng hnam, 2 tơpang ti”.

VOV.Bahnar - Đơ̆ng mĭnh pôm brŏ joăt joe truh điên thoăi hơgei hrei ‘nâu, trong kon pơlei gơh băt tơdrong kơtơ̆ng ang đĭ đei lơ tơplih. Mă lei mă đơ̆ng tơ̆ hơyuh pơre nơ̆r dăh mă lơ̆m hơnih kơmăy kơsô̆, dôm bơngai jang chih hla ar tơroi oei ling lang hơdrin hơnhăk tơdrong kơtơ̆ng ang trŏ lăp, đei yua truh hăm kon pơlei. Ƀlep ƀơ̆t năr tơbăt 101 sơnăm Năr Hla ar chih tơroi Kăch mang Việt Nam, hơvơn kơmih ma duch nă păng bôl buăl vang mơ̆ng pơm tông "Đơ̆ng nơ̆r pơre lơ̆m Radio truh kơmăy kơsô̆”.

VOV.Bahnar - Jơhngâm pran jĭ tơdrong kăp gĭt hlŏh kơ rim bơngai, rim unh hnam. Mă lei jĭ jăn dăh mă pơ̆k rơka đei ưh lai gơ̆h băt hơdrol. Yoa thoi noh vang răt ƀao hiêm pơgang ‘nŏh jĭ trong tơgŭm ăn kon pơlei đei vei lăng jơhngâm pran ‘lơ̆ng ƀiơ̆ păng tơjur ƀiơ̆ jên khăm hơmet jĭ. Hơpơi kơmih ma duch nă păng bôl boăl mơ̆ng nhôn pơm tông: “The iĕ – Đei yoa tih”.

VOV.Bahnar - Tơdrong pơgơ̆r pơdong ƀŭ mơmat, et sa đunh năr, chă tĕch mơdro kơdih, pơih brŏ re tôch kơ dêh tơ̆ 1,2 pơlei pơla tŏk bŏk pơm tơhiong 1 lơ̆m dôm kơjă kăp gĭt ‘lơ̆ng kơjă lơ̆m tơdrong joăt so păng pơm brăh brư, ƀơm ưh kơ ‘lơ̆ng truh tơdrong hơrih tơpôl. Pơm tông hơtuch giĕng năr ‘nâu đei hơnăn “Chĕp vei tơdrong ‘lơ̆ng – Chơ̆ng lê̆ tơdrong ưh hơiă” tơƀôh hơdăh tơdrong kăl hloh đơ̆ng tơdrong pơm kiơ̆ tơdrong hơrih ‘lơ̆ng hơiă lơ̆m tơdrong pơdong ƀŭ, vei tơdrong ‘lơ̆ng, ‘mơ ‘met păng hơtŏk dôm tơdrong ‘lơ̆ng hơiă joh ayŏ kơ pơlei pơla.