VOV4.Bahnar - Tơdrong arih xa hrei ‘nâu roi pơdrŏng đei ƀôh, tơdrong răt gre hon đa hăm mih ma duch nă tơ̆ dôm pơlei pơla hơtăih yăih, tơring kon kông ưh pă đei măh pơmat dêh bơih. Mă lei đon vei lăng gre lơ̆m hnam tơnŏ hơnơ̆ng jing tơdrong kăl kơ pơma truh. Lơ mih ma duch nă mưh răt đei gre ‘nŏh ưh kơ đei vei lăng ‘lơ̆ng, lê̆ kon hơ ‘lơ̆p tam tôm sơnăm, ưh đei ƀăng huơ̆r gre… mă iŏk gre hao kơdâu tơ̆ trong tôch hơmơt.