VOV4.Bahnar - Rim sơnăm, mưh mơ̆t lơ̆m hơtuch sơnăm, hơmet ăn sơng Tết, tơdrong tĕch hơmlăi ôn păng đei tơdrong truh yua đơ̆ng chă pơm kơdih hơmlăi ‘noh đei ƀôh. Mă loi ‘noh jĭ, tơdrong hŏk tro chă mơ̆t pơih lơ̆m mạng tơpôl răt chơ ngoi vă chă pơm hơmlăi hlôi pơm ăn lơ tơdrong truh jĭ jơhngơ̆m. Dôm tơdrong jang âu ưh khan lăp pơm glăi khôi luơ̆t mă oei tơhli kơtă truh hơkâu jăn lơ bơngai. Pơm tông hơtuch giĕng năr ‘nâu đei hơnăn “Tơdrong răm đơ̆ng hơmlăi đôh”.