VOV4.Bahnar – Tây Nguyên đei 4 dêh char đei trong sơlam tơkuh hăm dôm teh đak boăl Lào păng Campuchia. Dôm sơnăm kơ âu, khul Linh vei sơlam teh kơ dôm dêh char lơ̆m tơring ưh hơdrô̆ jang tơnăp tơdrong vei sơđơ̆ng tơpôl tơring sơlam kơ teh đak, mă oei đei lơ tơdrong jang tơgŭm kon pơlei hơtŏk mŭk drăm – tơpôl. ‘Năr âu, năr 3/3 Tơbăt 65 sơnăm Năr tơ-iung pơjing Ƀô đô̆i vei sơlam teh păng 35 sơnăm Năr tôm kon pơlei vei sơlam teh, tơdrong tơroi đei tông hơnăn “Bơnê kơ ƀô đô̆i vei sơlam teh”.