VOV4.Bahnar – Mă tơpă lơ sơnăm ‘nâu, lơ unh hnam tơ̆ pơlei pơla jang xa kŭm tôch đei, mă lei yoa ưh gơ̆h mong, ‘mơ ‘met jên kơna hơnơ̆ng đei tơdrong kăt yă, vă akhan iŏk xa jên đe hơdrol, jang kla đơ̆ng rŏng, krăn khan: “Xa ƀăt-măt kiĕk”. Tơdrong ‘nâu pơm hiong răm ăn kon pơlei hlŏh 1 puăt tơmam jang đei lơ̆m sơnăm, pơm ăn tơdrong arih xa kơ đe mih ma duch nă ƀônh huŏng lơ̆m tơdrong tơnuh hin, pơmat tat. Tông năr ‘nâu pơma găh tơdrong ‘nâu.