VOV4.Bahnar - Điên thoăi rơgei, oei krao ‘nŏh smartphone đĭ jing tơmam yoa ưh đei lai yơ thĭu lơ̆m tơdrong arih xa hrei ‘nâu. Sư tơgŭm ăn kơ bơ̆n tôch hiôk mưh chă bôl boăl, tĕch mơdro, lăng ngôi bơ̆n phim dăh mă jang rim tơdrong tơ̆ rim anih. Mă lei, tơdrong yoa smartphone pơlŭk dêh hnang sư pơm tơlĕch lơ tơdrong ưh kơ ‘lơ̆ng pha ra băl. Dôm bơngai “chơgăm năng điên thoăi” đa ƀơm ưh ‘lơ̆ng truh jơhngâm pran, đon tơchĕng, tơdrong jang, hŏk pơhrăm păng tơdrong pơvei hăm rim bơngai.