VOV4.Bahnar - Lơ̆m tơdrong tơroi hơ ‘mon kơ bơngai Ê Đê, kiĕk đei roi tơƀôh tôch kơ lơ nhen thoi tơdrong hơ ‘mon H’Bia Tô Ngô tơroi kơ 1 pơlei jing kiĕk yua đơ̆ng sŏng sa ƀơm mơ̆h yang. Tơdrong pơsĭ thong đak Êa H’leo tơroi kơ tơdăm Y Rít kơ tang nuih mơng tơblăh hŭt kiĕk pơh tŏ kơ̆l dŏng đei pơlei pơla. Tơdăm Y Rít hlôi tơgŭm ăn kon pơlei hơlŭng hrŏng vă pơlôch kiĕk brŏk phă pơlei pơla. Mă loi, tơdrong tơroi Tơ Dăm Boh Kneh păng kiĕk pơm bơngai tôch kơ hơiă.