VOV4.Bahnar- Chơ kơi Diệu Thanh ‘noh mĭnh chơ kơi đak ‘lơ̆ng tơ̆ tơring Nhân Kơ, apŭng Dak Rlâp, dêh char Dak Nông. Bơngai Mă tơ̆ au krao akhan Leng Dŭn (chơ kơi Chŭ) păng bon Phŭng (pơlei  Chŭ), kơ yuơ tơ̆ au đei chăl sơnăm ‘noh kon pơlei tơ̆ au jĭ chŭ. Vă tơblang hơdăh găh tơdrong jĭ jăn au, bơngai Mă chă tơroi dih băl tơdrong tơroi kră sơ̆ “Tơm a la chă Leng Dŭn”. Tơdrong tơm a la chă oei tơƀôh hơdăh tơdrong joăt joe iŏk hơgăm kơna kon hơ ‘lơ̆p ƀônh đei tơdrong jĭ jăn, yang pơm au to.