VOV4.Bahnar – Tơm a la chă pơkao Violet ‘noh tơdrong tơroi kră sơ̆ kơ the đak Phalăng, ‘ngoăih tơdrong hôn bơnê tơdrong tơhưch dih băl kơjăp kơ bơngaio tơdăm tơngla hnam Anfaret kon tơdăm ƀok pơdrŏng hloh lơ̆m tơring hăm bơngai hơdruh Violeta. ‘Nau bơngai hơdruh ŭnh hnam dơnuh akau jăn ‘lơ̆ng, jơhngơ̆m đon hơ iă, oei tơblang hơdăh găh tơm a la chă kơ pơkao Violet hrei au – kơ loăi pơkao tơbăt hơdăh ăn tơdrong oei sa gơ̆h găt băt ‘mêm kơ eng dih băl kơ klo akăn, ưh kơ lai yơ tơplih.