VOV4.Bahnar - Thủ tướng so Phạm Văn Đồng pơma:"Lơ̆m khei ‘năr bơ̆ kang kĕch mang adoi nhen hơrih sa yan au, Hồ Chủ tịch ling lang pơma sa ‘lơ̆ng, phăl hơlăng. Ƀok Hô hơnơ̆ng đei jơhngơ̆m đon ‘mêm kơ eng tôch bach hmach tôch kơdêh hăm khul bơ̆ jang, kon pơlei. Lơ̆m jơhngơ̆m đon ‘mêm kơ eng ‘noh, ‘măn ăn rim răih bơngai, ưh kơ lon bơngai bu...". ‘Noh nơ̆r hơlen tôch kơ tôm tong, tôch trŏ lăp găh Kơdră chĕp pơgơ̆r Teh đak Hồ Chí Minh - Bơngai mă prăt jơhnơr hơrih lơ̆m 79 sơnăm ‘măn jơhngơ̆m đon ‘mêm kơ eng kơ teh đak, kơ kon pơlei. Vă ƀlŏk hơdơ̆r 54 sơnăm năr Ƀok Hô hiong, ƀai chih “Tôm tong jơhngơ̆m đon ‘mêm kơ eng đơ̆ng Ƀok”, tơbăt hơdăh găh jơhngơ̆m đon ‘mêm kơ eng kon bơngai đơ̆ng Ƀok Hô.