VOV4.Bahnar - Tơdrong tơroi kră sơ̆ kơ bơngai Êđê “Xem Hơvăt, xem Tơleh păng pơnhoăl” ‘nŏh tơdrong tơroi vă tơbăt ăn lơ̆m hơrih sa kơ kon bơngai băt chă pơtho khan dih băl, vei lăng năng tông dih băl, ưh kơ hơlăh lăp băt xa hơpăh đơ̆ng đe. Tơdrong tơroi au nhen chă pơtho pơkă ăn băt chu yom, mơ̆ng kiơ̆ đe kră chă pơtho khan, veh ver pơm tơdrong kơnê̆, pơm glăi vă tơdrong hơrih sa ‘lơ̆ng rŏ hơbŏ nhen.