Pathau mik va song tong abih gauk!

 Nyaom biai patagok bangsa takik thun ni bahrau hu peih tabiak di  tỉnh Quảng Nam ngan saong kadha : "Sâm Ngọc Linh – tui chuổi giá trị dalam  patagok  kinh tế xã hội bhum bhap bini bangsa takik”. Tapa nyaom biai ni, sa kadha hu ba tabiak lac: tui chuổi giá trị, pataom tame pandap hu pren khang di bhum ceik, bhum glong, bhum bhap bini bangsa takik, abih di nyu nan lac dom kaya glai langiu di kayau lac jalan ngak siam lagaih piah dui ka nyu jaik gauk jang bhum ceik song bhum taneran. Thanh Tâm, urang vak di rayo sap ndom VN hu kadha vak ndom tal asar kadha prong di nyaom biai ni.

Kaya glai langiu di kayau hu labik dang biak prong dalam kinh tế, xã hội song raidiuk bol bhap rahra, abih di nyu nan lac bhap bini bangsa takik. Dalam dom kaya glai lingiu di kayau, hu rilo pandap ba mai kinh tế glong, yaom dinh dưỡng rilo, yaom jru tavoa prong. Pagap yau phun  Hà Thủ Ô, Tục Đoan di bhum ceik glong gah brak; phun  Đinh Lăng, phun  Ba Kích di bhum trung du, bhum ceik Bắc Bộ; phun Hương Nhu trắng, Sâm Ngọc Linh di bhum  Tây Nguyên song Nam Trung Bộ; phun  Trinh nữ Hoàng Cung, Sa Nhân tím di bhum  Tây Nam Bộ.

Dalam dom janih phun patrun kan kathaot kein lagaih urak ni, phun sâm Ngọc Linh hu tong yaom lac phun jru ba mai kein laba glong di abih. Ni lac sa dalam dom kaya glai langui di kayau hu yaom  kinh tế glong. Harei  12/9/2015 rajaei hu mbaoh tangin tame danak dak   “Khik ramik song patagok phun Sâm Ngọc Linh- Sâm Việt Nam”tal thun  2030, saong yaom phun jien buh tame abih tih labaih  9.000 tỷ đồng. Tal bilan  6/2017, Sâm Ngọc Linh hu rajaei pok brei angan lac pandap di negar.   

          Di nyaom biai   "Sâm Ngọc Linh – tui chuổi giá trị dalam patagok  kinh tế xã hội bhum bhap bini bangsa takik”, urang hu klah rabha ilamu dalam negar song dunya ka bruk patagok dom chuỗi giá trị pandap panda di bhap bini bangsa takik, dalam nan hu sâm Ngọc Linh lac sa mô hình siam . Nan lac:  Sâm Ngọc Linh – yaom glaong, pren khang dalam patagok kinh tế xã hội bhum bhap bini bangsa takik; pandar ilamu  khoa học công nghệ dalam bruk pala sâm, palagaih ka dom doanh nghiệp hu mbaok tame patagok sâm… Ong Đỗ Văn Chiến, Akaok mintri, Chủ nhiệm Ủy ban bangsa brei thau

    Bhum bangsa song bhum ceik hu rilo kein lagaih bo dom bhum karei oh hu, yau ye hu lingik tasik, taneh riya, lagaih song dom phun mbang boh  đặc sản, phun jru, rong athur, menuk daa, tagok dom janih  ilamu  vật thể song  phi vật thể piah peih dom  tuor du lịch roh duah, du lịch sinh thái. Nyaom biai patagok bangsa takik thun 2018 hu peih tabiak di  tỉnh Quảng Nam- bhum taneh di  sâm Ngọc Linh, sa pandap pakat negar hu  yaom dinh dưỡng, yaom jru glong, lagaih song rilo labik bhum ceik hu palih ruah ngak kadha praong di nyaom biai yau jalan peih tabiak ka dom sahaneng padang bruk pablei salih , đa dạng karei.

         Brei panuac di nyaom biai patagok bangsa takik thun ni , Ủy viên mintri Chính trị, Phó Thủ tướng Thường trực rajaei  Trương Hòa Bình brei thau, rajaei Việt Nam tuk halei jeng sangka tacei pato peih ngak dom danak dak dong ka mik va bangsa takik di abih 3 nyaom: Nyaom sarak đặc thù tui bangsa song nyaom bangsa  ; Nyaom sarak patagok kinh tế - xã hội tui bhum; Nyaom sarak patagok  kinh tế - xã hội tui gah, tui bruk. Phó Thủ tướng ndom lac, Nyaom biai patagok bangsa takik mbang ni palih ruah kadha "Sâm Ngọc Linh – tui chuổi giá trị patagok  kinh tế xã hội bhum bhap bini bangsa takik” brei mboh jalan ngak di  rajaei Việt Nam dalam kham merat  dui ka nyu katut khoảng cách patagok di bhum ceik song bhum taneran, patagok khang kajap bhum bhap bini bangsa takik song bhum ceik. Phó Thủ tướng Thường trực rajaei  Trương Hòa Bình tacei lac:

          Dahlak Hulin pandar dom urang pal akaok dom puk palei samar duah jalan ngak chip meng nyaom biai harei ni, meng dom ilamu dalam bruk patagok  kinh tế, xã hội di dom labik karei piah samar duah tabiak jalan ngak karei, lagaih piah tagok samar, khang kajap  kinh tế xã hội di puk palei drei, meyah roh duah hu “đề xuất di thực” patagok phun  sâm Ngọc Linh, dom janih jru  quý, kaya glai langiu kayau  hu yaom  kinh tế glong. 

Tui chuổi giá trị dalam patagok kinh tế xã hội di bhum bhap bini bangsa takik , brei mboh sa hatai khang  chính trị biak prong, sa bruk sangka praong di Đảng, karja drei ka bhum ceik, bhum glong, bhum bhap bini bangsa takik./.