Dom tỉnh daok kham merat jhul samar bruk klauk Vaccine ka bhap bani

Kuhria tal harei 7/11, Bạc Liêu hu 5.260 urang njaom Covid-19, dalam nan hu 1.460 urang hu taong abih ruak, tabiak truh sang iek ruak saong 40 urang metai; urak ini daok 3.760 urang daong iek ruak di dom labik y tế. Rilo harei tapa, tỉnh ieu pataom manuac urang jhul samar bruk klauk vaccine pacang caga COVID-19 ka urang umo meng 18 thun tagok. Urak ini dalam tỉnh daok hu labaih 532.800 urang hu klauk mbang 1, lac jaik 80% saong labaih 156.200 urang hu klauk mbang 2, lac jaik 24%.

Di Hậu Giang, tapa 3 harei peih bruk klauk vaccine caga COVID-19 ka uranaih umo meng 12 tal ala 18 thun, tal biar harei 6/11, dalam tỉnh klauk hu ka labaih 67.800 uranaih dalam umo, lac hu labaih 96% bruk ba tabiak. Dalan nan, huyện Châu Thành, Phụng Hiệp, ban sit Long Mỹ klauk rilo jang bruk ba tabiak, kayua uranaih mai klauk rilo jang dut haong yaok pataom. Ong Võ Văn Trung - Bí thư Thị ủy Long Mỹ brei thau: “Sang bac halei drei klauk jru tui sang bac nan, hu bruk ba tangin tame bruk di gah pato megru, MBan Giám hiệu, gru pato dang akaok tal bac dalam bruk taduan raok, tacei pato anek saih. Dalam 3 harei, ban sit hu klauk jru ka taong abih dom uranaih dalam umo, njauk tui  bruk ba tabiak"

Hậu Giang kuhria klauk mbang 2 ka uranaih meng harei 26/11 tal harei 28/11. Gam haong tacei pato peih ngak samar bruk klauk vaccine caga COVID-19 ka bhap bani, ong Đồng Văn Thanh akaok UBND tỉnh, jeng hu mbaoh tangin tame harak brei patagok dom jalan ngak piah pasang iek hu siam jit COVID-19.  Tui nan, meng harei 8/11, tỉnh Hậu Giang ieu bhap bani oh tabiak jalan dalam vaktu meng mon 9 melam tal mon 4h page harei hadei, oh kuhria bruk cấp cứu, urang ngak bruk pacang caga jit; pacang caga bala meng langik tasik; urang jakar, urang vak, saong dom gah karei. Hậu Giang jeng brei padeih dom bruk mbang menyum pak di labik di dom nhà hàng, quán nhậu, cà phê, quán mbang dalam tỉnh saong tok  hu blei ba nao sang.

Di Đồng Tháp, taong abih urang njauk ruak dalam tỉnh lac 10.556 urang, dom urang njauk ruak daok taong ruak lac 1.058 ca. Bruk klauk vaccine di Đồng Tháp jeng daok biar dalam tuk jit ruak daok tagok, hu rilo jang urang njauk Covid-19 bahrau dalam bol bhap rahra. Min, bruk klauk vaccine di tỉnh palei jeng daok biar, mbang klauk 1 oh ka tal 70% bol bhap rah ra. Sa-ai  Nguyễn Thị Thanh Tâm, daok di huyện Châu Thành, tỉnh Đồng Tháp hu klauk blaoh mbang 1 di ban raya HCM, caong khin hu samar klauk ginup vaccine piah mai veik ngak bruk: “Dahlak mai palei kuhria tabiak Pasak y tế duak klauk mbang 2. Daok dua klau bilan meda duah bruk ngak  karei di palei, oh hu ye duah ayut sahabat daong. Hadei di jit meyah mboh siam ye nao ngak bruk veik ".

Meng yaok pluh urang njauk COVID-19 hu mboh dalam rahra yaok harei, tỉnh Cà Mau jeng daok samar peih ngak dom jalan pacang caga jit. Bruk duah labik pambak ruak, test sàng lọc daok hu peih ngak praong. Tỉnh hu padang balai y tế nao mai di dom xã piah samar pacang caga; gam haong nan, bruk klauk vaccine caga COVID-19 jeng daok hu jhul khang. Dom menuac urang hu klauk blaoh vaccine di Cà Mau hu labaih 70%./.

Urang lang: Jasi – 10/11