Urang mong iek tapuk di jalan tapuk 

Harei pataom jalan tapuk Tết anek sak takuh  2020  rah tabiak dalam  07 harei, meng harei  22/01/2020 tal harei  28/01/2020 (lac meng harei  28 bilan mat  tal harei 4 bingun bilan sa thun  2020 saka ia bilan) di  3 jalan:  Mạc Thị Bưởi – Nguyễn Huệ – Ngô Đức Kế.

Tui nan, labik pataom Jalan tapuk  Tết anek sak takuh hu dui atah di angaok 3 jalan prong  di pasak  quận 1 nan lac: Nguyễn Huệ, Mạc Thị Bưởi, Ngô Đức Kế. Yaok jalan hu sa angan  karei di gauk yau : Điều kỳ diệu từ sách”, “Thế giới diệu kỳ của em” song  “Sách, cà phê và công nghệ”.

4 công ty tapuk prong  hu mbaok tame harei pataom lac Fahasa, Phan Thị, Phương Nam, Thái Hà. Harei pataom pok meyaom ilamu puac song sangka pambak praong bruk mbak carak di Tết tal urang mai rivang iek, blei tapuk. Rilo baoh tapuk  gheih ka adat cambat di Tết meng kan hu parang iek di dom labik  prong. Harei pataom tapuk dok hu yaih khan rilo  kadha. "Bầu trời tri thức" pataom rilo tapuk siphau  praong sit karei di gauk, pambuak song gom LED.

Abih di nyu nan lac, di tuk salam uan pahadar  90 thun harei  padang  Đảng Cộng Sản Việt Nam (3/2/1930-3/2/2020), piah jhul pakhang bruk bac megru song ngak tui jalan hadah krah siam mekre di  Hồ Chí Minh, harei pataom tapuk dok hu labik parang iek ngan song kadha “Sài Gòn – ban raya  Hồ Chí Minh dalam cách mạng peih paha  bangsa”. Ni lac sa dalam dom labik  prong di  harei pataom jalan tapuk thun ni tuk parang tabiak, yaih khan jiak  300 tài liệu song thaot binguk  hu khik piah di  Lưu trữ negar  Việt Nam, Lưu trữ negar Pháp song dom  duah pataom karei; dong ka menuac sia thau cambaih  jang ka bruk dang tagok di bhap bini  Sài Gòn – ban raya HCM ala bruk pan akaok ba jalan di  Đảng. Ndom ka parang iek ni, ong Đặng Thanh Tùng, Cục trưởng Cục Văn thư song khik piah kajar khan lac:“Dalam parang iek, urang mong iek hu mboh dom tài liệu ka dom  tổ chức bí mật di  Đảng chính trị mesruh pacang Pháp di  Nam Kỳ, atau dom văn bản xử án, dom bản án xử dom urang ranam taneh ia Việt Nam mesruh pacang  Pháp jang yau dom mbang  đàn áp bruk dang tagok mesruh pacang Mỹ”.

Langiu di nan, harei pataom jalan tapuk  Tết anek sak takuh  2020 song labik Nhà giàn DK1 – 30 thun daning pasei angaok tasik  jeng ba mai ka urang mong iek mboh hu cambaih laih jang ka dom urang lin  nhà giàn yaok harei dang anak ngin riyak, glaih glar, meng nan rik dong pambak praong hatai anit tasik. Atau labik parang iek báo xuân hu mbaok di labaih  100 jabat  báo chí ban raya  song  Trung ương hong dom  thiết kế gheih meta  song dom kadha vak siam gheih  ka harei  Tết Nguyên Đán. Ong Từ Lương - Phó Giám đốc Sở Thông tin và Truyền thông ban raya HCM brei thau: Thun ni, Harei pataom tapuk  hu rilo akaok tapuk trun yaom rilo piah ba chreih chrai ka urang puac tapuk tuk  akaok thun, dalam nan tapuk uranaih hu trun yaom rilo di abih.

Meng mbang camereip hu peih tabiak  di thun 2010 ye urak ni harei pataom jalan tapuk  yam tal 10 thun . Meng rilo gheih mekre song dom bruk ngak chreih chrai, labik tapuk ini meda ba mai dom sambo màu bahrau song lac labik mai rivang di bhap bini jang yau tuai damuia dalam dom harei Tết meng kan./.

Urang lang : Hanipha -23/1