“Kak tian ka anek nao bac” lac kadha daoh di aruah rapaneh Tan Tu. Ragu daoh lai la-an yau hatung hatian di amaik anit dom urang anek di drei. Kadha daoh lac panuac meyai di urang anek khan ka urang maik abih rai glaih glar, pambu di pandiak, riak di hajan min oh mbuah kan hagit, kadha daoh lac dom panuac biak anit khin nyai ndem saong maik ame. Puac di abih lac panuac sanya: Ein ngai praong glaong, anek likau ndua naong. Thun anak bilan hadei, ia harei dah dai, anek veik gilac mai, pok lisei pok ia. Tha rituh thun taha, amaik ame bui tian.

Panuac di kadha daoh daok lac dom panuac pato kakei biak hu yaom di amaik khin payua ta anek, dalam nan hu uan tabuan, hadah mbaok meta tuk anek bac da-a jak gheih.