Pasang iek dom jabat ngak bruk di xa, phuong, labik kuhria caga padang jabat ngak bruk pakat xa, phuong birau hadei pagam tame di ban, Đỗ Thanh Bình, Bí thư Thành ủy Cần Thơ caong khin dom quan, huyen patui veik ngak bruk pasang iek samar, aval dom bruk njauk brei pabak piah tal harei 1 bilan 7 taong abih dom xa, phuong tame ngak bruk oh daok hagait ngak kan kandah tal harak gal karja atau dom bruk parabha pakat di Trung uong.

Mbiah tal ini hu jaik 2.000 baoh sang di tinh Kon Tum hu tame daok dalam sang birau, oh daok sang taik tahak. Bruk bo tinh kham merat tal abih bilan 6 ngak brei abih 2.740 baoh sang oh daok taik tahak dalam tinh. Huyen Kon Rẫy saong Dak Ha lac dua bhum palei brei ngak dahlau bruk ngak abih baoh sang oh daok taik tahak ka bhap bini. Dalam nan huyen Dak Ha hu 86 baoh sang saong Kon Rẫy lac 155 baoh sang.

UB bhap bini tinh Ca Mau birau ba tabiak jalan ngak brei patagok bruk raong arieng  tal thun 2030, pamong tal thun 2030 mek hu labaoh 40.000 tấn arieng sa thun, pablei tabiak negar langiu hu labaih 30%. Rilo urang raong arieng  biak bui sambai hatai caong khin bruk ba tabiak nan paglong yaom kaom arieng. Piah ngak hu siam bruk nan, tinh Ca Mau brei pakhang bruk pathau khan, pasram ilamo, pandar kong nghe, caga ruak ka arieng, pajaih arieng, padang bruk raong, bruk mek arieng pablei, pachreih urang buh jien tame  ngak mbang.

Tui Vien Khoa hoc thuy loi gah Meraong negar, hajan rilo saong nduac meng kraong Me Kong gah angaok  tuh trun bhum taneran ralo yau nan ye ia mbak oh daok mbuan ba tal bruk ngak nong pala drak saong bhap bini di bhum Taneran kraong Cuu Long. Dom bhum palei brei kuac rao hacih ribong, pacang ia dauk, abih di nyu lac dom labik dhong biar. Meng harei 12 tal harei 14 bilan 6 meda hu ia ndik tagok glong, tabung ia ndik glong abih di tasak labik Balai Gành Hào lac 1,87m, di Trần Đề lac1,60m.

Ndem tal bruk yak bak cua hang C.P.Viet Nam pablei rilo pabui ruak tabiak darak pasar, urang ngak praong di Chi cuc Raong glang - Thu y - Kaya ikan tinh Hau Giang khan lac, Cục Cảnh sát pacang kol ngak suan hukum moi truong (C05, Bộ Công an) pambuak tal dom don vi di Metri Ngak nong saong moi truong  tame bruk pasang iek, duah thau. Tui urang ngak praong di Chi cuc Raong glang - Thu y - Kaya ikan tinh Hau Giang pasang iek, duah thau ngak brei cambaic laic. Urang ngak praong di Chi cuc Raong glang - Thu y - Kaya ikan tinh Hau Giang pasang iek, ngak brei cambiac kayua dua mentri angaok nan dang tabiak ngak bruk, jabat chuyen mon di bhum palei ini pambuak bruk. Anak tal, brei pasang iek di Soc Trang saong Hau Giang.

Thu tuong Campuchia Hun Manet khan lac, taneh ia ini ba tabiak sa kapol nyaom dom jalan ngak brei cambaic laic piah langyah bruk meblah gauk taneh tapen negar haong Thai Lan, brei ka dom bruk ginum ky thuat dua gah saong dom jalan langyah tui hukum dunya. Njauk ndem tal, Thu tuong Hun Manet iew bhap bini brei sahanang hatai, juai ndem puac suan oh njauk jeng yau ndem jhak  meda ba tal bruk kandah gauk atau pachut taong paoh gauk di dua negar.

Gah Cảnh sát Hình sự Quốc tế Interpol brei thau chap mek 20 urang ngak suan di  Chau Au saong Chau My La-tinh ngan haong panuac lac “ blei, parabha atau khik dom asar kadha pachreih rambeik rambai uranaih”. Langiu 20 urang nan, “ 68 urang karei hu thau saong dom bruk pasang iek daok hu peih ngak di dunya”. Interpol payua dom asar kadha nan tal dom jabat chuc nang di 28 taneh Ia di Chau My, Chau Au, Chau Dai Duong saong Chau A.

Gah Y te Dunya (WHO) birau kakei lac bruk parilo dom urang njom COVID-19 pambuak tal anek ruak NB.1.8.1. Anek ruak ini urak ini hu dom urang roh duah lang yah duah thau ka gene. Yaom lac hu NB.1.8.1 oh ngak kan kandah ralo tal prein yawa dut haong dom anek ruak dahlau ini, min WHO kakei brei caik hatai tal virus meda salih karei rilo gam meda tal dom mbang njom ruak birau. WHO jeng brei mboh, meda hu rilo urang urang njom ruak COVID-19 yau urak ini tui bilan di virus njom mbak./.