Thu tuong Phạm Minh Chính caong khin dom jabat pambuak bruk pataom tame dom prein khang, jhul pasamar bruk ngak danak dak, ngak brei salah bruk bayar jien taneh, daong labik daok birau dalam bilan 6, kham merat ngak salah danak dak jalan Vành đai 4 TPHCM di puac thun 2028. Ini lac danak dak dalam dom danak dak prong pakat negar hu peih ngak di TPHCM, tinh Dong Nai, tinh Binh Duong, tinh Long An saong tinh Bà Rịa - Vũng Tàu. Kuhria taong abih jalan atah labaih 159 km.

Kuhria tal harei 3 bilan 6, Mentri Kong an ba tabiak langyah 36 bruk saong 119 urang njauk duis ka bruk pablei dauk,bleik saleik, ngak ndap ja gam dom bruk karei  di 24 bhum palei. Yaom lac Thu tuong Rajaei tacei ba peih ngak catang bruk cap mek urang pablei salih dauk, ndap ja sa 1 bilan min Mentri Kong an tacei ba taong abih gah kong an peih ngak dalam 3 bilan, meng harei 15 bilan 5 tal harei 15 bilan 8. Tui nan, brei patagok jalan taong phat ngan haong dom duis pambuak tal bruk ngak tabiak saong pablei salih ndap ja, ngak suan dom hukum ka ndap hacih sa-at. 

Kong an tinh Long An pathau khan tal bhap bini ka bruk pachot pagat birau, tuk hu urang ja angan kong an tinh iew phone, iew urang mai ngak bruk. Kong an tinh kakei lac:  rajakar kong an oh iew phone ka rahra piah da-a mai ngak bruk. Meyah hu bruk, kong an payua harak ba-ar da-a atau jakar canh sát labik nan mai ngak bruk. Yau nan ye, meyah hu urang ja angan kong an, mikva juai ngak tui panuac halei di kol nyu.

Kapol urang jakar dom gah pasang iek di tinh Soc Trang brei pasang iek labik sik ngak ralaow di palei Chợ Cũ, ban sit Mỹ Xuyên, huyện Mỹ Xuyên, tỉnh Sóc Trăng kayua Huỳnh Thị Ba ngak po. Ini lac labik thik ngak ralaow ka 4 cua hang CP Fresh Shop dalam tinh Soc Trang. Hu thau, urak ini hu 3/4 cua hang CP Fresh Shop di tinh Soc Trang padeih ngak bruk blaoh. So Ngak nong saong moi truong Soc Trang khan lac, dom labik nan padeih ngak bruk piah ngak salah dom harak gal daok kurang tui hukum ba tabiak.

Rilo urang raong hadang langiu labik ar pacang ia mbak di xã  Lương Nghĩa, huyện Long Mỹ, tỉnh Hậu Giang kham merat kayua bilan mek hadang takai patih camereip pablei hu yaom glong. Urak ini, yaom hadang the meng 105.000 -110.000 dong sa kilo, janih 60 drei sa kilo, tagok labaih 20.000 dong sa kilo dut saong tukvak ini thun dahlau. Tukvak tapa, bruk raong hadang - padai lac jalan ngak hu lagaih saong ba mai kein laba kinh te glong ka urang raong di labik langiu ar pacang ia mbak.

Campuchia khan ka bruk pasram cuh đạn siuk biak di tasik labik ngak bruk di hai quan Ream meng harei 11 - 13 bilan 6 ini. Kayua yau nan ye, Campuchia caong khin bhap bini, dom don vi, kapol nyaom  saong jabat karja juai peih bruk taong mek ikan atau nao mai  jaik labik  cuh dan siuk biak piak palaik njiak bala rah tabiak. Bilan 5 tapa, gah bol lin hai quan Patao Campuchia saong bol lin Giai phong Bhap bini Trung Quoc  peih bruk pasram lin hai quan dalam tuk pasram lin Ine Girai Ameh 2025, ngan haong kadha “ Chien dich  daong urang njauk cap mek tabiak truh gilai pajeng ndap nda  kayua kol sraw kadau cap mek”.

Rajaei An Do khan lac brei Kuhria abih tih bhap bini rahra dalam negar di thun 2027, dalam nan hu yaok kuhria ka yaok pakat xa hoi. Dahlau di nan, An Do Kuhria abih tih bhap bini rahra dalam negar di thun 2021 yau nan min bruk nan gal tavak  kayua  jit ruak praong COVID-19. Bruk Kuhria yaok abih tih bhap bini rahra mbang ini gam haong bruk pabak taka kuhria pakat xa hoi brei mboh bruk kham merat di An Do piah hu thau cambaic laic jang ka manuac sia xa hoi di taneh ia ini.

Đại sứ Mỹ di Lien hop quoc atah klak bruk ba tabiak di Hoi dong Bao an LHQ brei padeih mesruh metak chip, oh ba tabiak bruk hagait saong miat tal anak di Israel saong gah Hamas di Dải Gaza saong bruk taduan ndap ndap kaya daong oh njauk pacang cakak di bhum taneh ini. Dahlau bruk buh phieu di yam ndoc daong di LHQ Tom Fletcher iew LHQ saong dom nyaom daong pahala  hu daong ka bhap bini di Gaza./.