Ban raya HCM anak tal hu jeng  ban ine jien padai saong kong nghe glong. Nan lac panuac khan di Akok UBND TPHCM Nguyễn Văn Được di mbang nyaom taong yaom bruk ngak kinh te xa hoi 5 bilan akaok thun peih tabiak harei kabroi 3 bilan 6.  Ong Nguyễn Văn Được  khan lac, mbiah tal ini, TPHCM hu ngak blaoh piah pagam tinh di harei 15 bilan 8 anak tal. Ban raya HCM  birau meda parabha veik bruk ngak yau ye: Binh Duong lac bhum ngak ralo gah kong nghiep; Bà Rịa - Vũng Tàu lac yulit tasik, pabah tapen tasik saong jitvu  tasik; TPHCM lac pasak di jien padai saong kong nghe glong.

Mentri Ngak nong saong Moi truong birau hu harak caong khin Mentri Kong an pasang iek saong langyah khaw tin angaok mang xa hoi ka bruk yak pathau Kong ty co phan raong glang C.P Viet Nam pablei rilo pabui ruak. Tui harak nan, harei 30/5, angaok mang xa hoi  hu mboh  saong pambak tabiak samar di po tai khoan Jonny Lieu hu asar kadha ndem puac ka bruk ngak suan biak trak di urang pan kaok Kong ty co phan raong glang C.P. Viet Nam, rah tabiak di labik pablei pandap C.P. Fresh Shop Mỹ Xuyên, ban sit Mỹ Xuyên, huyện Mỹ Xuyên, tỉnh Sóc Trăng.Yau nan min, tapa pasang iek oh ka mboh dom bruk ngak suan yau hu ndem angaok nan.

Labaih dua klau bilan jaik ini, yaom la-u tamo saong la-u menyum ia tuk halei jeng glong yau nan ye rilo po bein gilac pala la-u veik, pala pablak tame dom bein hu la-u taha ba tal la-u glong dua mbang, tagok labaih 45.000 đồng sa phun. Kayua po bein  jak gauk pala yau nan ye kurang pajaih la-u. Ong Nguyễn Thanh Phong - Pho yam ndoc Pasak Pajaih saong Bingu ngak mekre tỉnh Bến Tre kakei mikva palih ruah blei pajaih di dom labik ngak tabiak atau pasak ngak pajaih hu angan je, pajaih hu palih pabam phun meng dom bein phun la-u maik hu So Ngak nong saong Moi truong alam taduan.

Jabat Canh sat pasang iek Kong an tinh An Giang birau ba tabiak Sarak duah Huỳnh Văn Thành ndih tapui thun 1981, daok di xã Phú Long, huyện Phú Tân piah langyah dom bruk ngak suan hukum “Pachot pagat meblah drap ar”. Dahlau di nan meng bilan 12 thun 2023 tal bilan 4 thun 2024, ong Hiền pah Thành nao blei padai pataom saong blei abih padai ngak tabiak di urang ngak hamu. Mboh ong Hiền jia drei, Thành mbaoh harak blei padai di rilo bhap bini. Hadei di nan, ong Hiền rilo mbang payua jien ka Thành kuhria abih tih jaik 1,4 ty dong piah bayar ka urang nong min Thành oh bayar ka po padai bo kuan jien ndua dauk.

Jabat kuhria iek langik tasik gah Meraong negar saong Tay Nguyen khan lac, labik dak tuk dak rilo taginum me-om juk  gam hajan, tam-mblait  di Cần Giờ, TPHCM. Biar harei sup langik taginum juk , hajan gam hangin, jakala klak di dom quan, huyen di TP.HCM. Hajan ralo meng 3 tal 15 mm, hu labik 20 mm. Dalam tuk hajan meda hu ribuk, hajan patau saong hangin khang pakat 5 tal 7. Langik di Nam Bo, dalam dua harei anak tal langiu tasik Bien Dong langik jhak ba tal bhum meraong Negar oh lagaih.  

Harei ini 4/6, ong Lee Jae Myung tagok ngak tong thong dalam 5 thun  tuk Ủy ban Palih ruah taneh ia Hàn Quốc (NEC) brei thau lac ong hu gam tame. Ong Lee tagok ngak tong thong  mon 6 tuk 21 minit page harei 4 bilan 6 tui mon pak ini, hadei tuk NEC taduan bruk jayak di ong anak mbang nyaom taong abih gah. Jabat Tong thong Lee Jae Myung khan lac ong Lee tuyen the taduan tagok rai saong hu bac kadha di var ngak peih ngak adat di Quoc hoi Han Quoc mon 11 tuk page  tui tukvak Han Quoc.  

Canh sat Hong Kong pambuak haong gah canh sat di rilo taneh ia saong bhum taneh di chau A peih bruk pasang iek chap mek dom kol pachot pagat tapa negar akaok meti saong khik labaih 1.800 urang umo meng 14 tal 81 thun, pambuak tal labaih 9.200 mbang pachot pagat, dalam nan hu bruk pachot pagat pablei salih online, tapa phone, jien buh tame ngak mbang, jien pah sang saong  ngak bruk, kuhria abih tih tagok tal 225 trieu  USD. Bruk ngak nan kareih hu labaih 32.600 tai khoan gilang pariak saong cakak hu labaih 20 trieu USD jien pagat.  

Kandah gauk di urang kaya meda Elon Musk saong  Tong thong Donald Trump catang tagok tuk ong Musk ndem puac khang sap ka dự luat cai biak ralo jien di karja Trump, hadei dom harei ong Musk tabiak truh urang di rajaei. Tui Harak mbaok AFP, ong khan lac dự luat - urak ini daok hu Quoc hoi pasang iek ba tal bhap bini ndua nong trak jien mesre oh bayar hu. Ini lac dom panuac puac biak trak di ong Musk meng lavik mai tal ini ngan haong bruk ginum biai di ong Trump./.