TPHCM KHAM MERAT NGAK BREI SALAH BLAOH 100.000 BAOH SANG DAOK KA RAHRA TAL THUN 2030
Thứ ba, 10:37, 03/06/2025 Urang lang: A.NGHIEM Urang lang: A.NGHIEM
CHAM.VOV.VN - Ban raya HCM ngak hu labaih 100 ribau baoh sang daok ka rahra bo Rajaei ba tabiak di thun 2030.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Di Nyaom biai peih ngak Sarak 201 di Quoc hoi ka bruk ngak iek dom jalan ngak, sarak dac thu padang ngak sang daok ka rahra saong pasang iek  taong yaom bruk patagok sang daok ka rahra 5 bilan akaok thun, peih ngak dom bilan puac thun ini, Akok UB bhap bini Ban raya HCM Nguyễn Văn Được khan lac: Ban raya HCM ngak hu labaih 100 ribau baoh sang daok xa hoi bo Rajaei ba tabiak di thun 2030. Ini lac bruk ngak chinh tri, xa hoi bo daok lac bruk sanya pagol ndung bak hatai anit ranam di karja ban raya brei ka bhap bini jien mek tame takik.

Phuoc Long lac huyen akaok meti di tinh Bac Lieu birau mek hu angan palei pala birau paglong thun 2024. Urak Phuoc Long hu taong abih dom xã palei pala birau paglong, 5 dalam 7 xã mek hu angan palei pala birau kieu mau. Kadha siam abih lac huyen Phuoc Long hu ngak blaoh, tui ngak rilo bruk ngak tabiak kaya kan daong bhap bini ngak mbang duah jien tame, abih di nyu lac bruk pala njam patam di hamu, pandar cong nghe glong, ngak nong hacih sa-at…

Balai Bien phong Lai Hòa, Bol lin Bien phong tinh Sóc Trăng pambuak hoang Baha Prey Chóp, baha Xung Thum xã Lai Hòa, ban sit Vĩnh Châu peih tal pato bac akhar huroh saong sap Khmer di bilan he ka anek saih. Dom adei hu bac pang, ndem, bac puac akhar Khmer, gam haong dom bruk bac ilamo, the thao, pasram jalan diukrai. Tapa tal bac hu daong ka dom adei thau pandar sap Khmer, rik tame khik ramik saong patagok ilamo bangsa…

Biar harei 2/6, di xã Thuận Thành, huyen Cần Giuộc, tỉnh Long An, kayua hajan praong ba tal danieng paga meng betong glong labaih 4m, gam got jameng  glong 8 met di labik daok padang ngak jaleih trun, kateik muk M.L (umo 58 thun). Tuknan, muk L daok pok taco umo 1 thun ye betong tuh trun kateik ngak metai dua muk taco. Sa-ai H.N umo 32 thun njauk rambuac trak. Tui Jabat kuhria dut iek langik tasik Long An, dalam harei 2 bilan 6, tinh kakei gam gam ka hajan hangin, tamplait jakala klak saong hu labik hajan patau, gam kakei ka bala meng langik tasik pakat 1.

Di tinh Hau Giang birau rah tabiak glut jaleih taneh ar kraong di huyen Chau Thanh. Labik glut jaleih atah 40 met, lik tame ar kraong praong 7 met, taneh lahik jaik 280 met vuong, ngak lahik taneh jalan dalam palei 2 met. Bruk nan kayua ia nduac ba tatheik. Kuhria mboh lahik jaik 200 trieu dong. Meng kaok thun mbiah tal ini, di huyen Chau Thanh hu 18 labik glut jaleih ar kraong, kuhria abih tih atah 510m, kuhria khat lahik labaih 1,9 ti dong.

Harei ini 3 bilan 6, di taong abih dom bhum palei di Han Quoc, buh phieu palih ruak Tong tong ka 21 di taneh ia ini meda rah tabiak. Tui kuhria mboh dahlau, meda hu jaik 29 trieu cu tri dalam taong abiah jaik 45 trieu urang hu brei buh phieu. Mbiah tal tukvak ini, urang tame palih ruak lac ong Lee Jae Myung daok khik hu bruk urang njuak hatai palih ruah ralo abih dalam dom urang hu tame palih ruah. Dang ka 2 lac ong Kim Moon-soo urang di đảng Quyen luc  bhap bini. Ini lac bruk hu makna biak praong dalam tuk Han Quoc oh ka tabiak truh bruk saw kadau chinh tri.

Indonesia caga blaoh blai brah piah pablei tapa ndom taneh ia Đông Nam Á karei hadei tuk mbaoh tangin pablei 2.000 tan brah tapa Malaysia. Yau nan min, brah pablei tabiak negar langiu tuk dalam negar hu ginup blaoh. Meng sa taneh pablei brah  praong di dunya di thun blaoh, Indonesia daok pamong tal bruk ngak tabiak padai brah piah pabak ka urang mbang dalam negar saong daok pablei tabiak negar langiu.

Urang ngak praong di Nigiêria khan lac, dom urang metai kayua ia ribuk sua di taneh ia ini tagok tal labaih 200 urang. Urak ini, daok labaih 500 urang lahik dalam tuk bruk daong duah daok hu peih ngak. Ia ribuk sua oh njauk lac takik gaok  di bilan hajan di taneh ia ini. Dahlau di nan, thun 2022, sa ribuk ia sua khang ba tal labaih 600 urang metai saong 1 trieu 300 urang lahik sang danaok, mbang ngui./.

Urang lang: A.NGHIEM

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023

URANG PANG DANAK DAK (THÍNH GIẢ VỚI CHƯƠNG TRÌNH)