URANG NGAK BRUK BAN RAYA HO CHI MINH JAK GAUK NAO TABAK RIK JIEN HU LABAIH 1,3 TI DONG KA AYUT
Thứ hai, 10:30, 19/05/2025 ÁI NGHIÊM ÁI NGHIÊM
CHAM.VOV.VN - Labaih 2 ribau urang ngak kong di Ban raya Ho Chi Minh nao tabak rik labaih 1,3 ti dong daong urang ngak raidiuk kan kandah.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Mban Khik iek dom Labik che xuat saong Kong nghiep Ban raya Ho Chi Minh pambuak haong Kadung jien daong Urang ngak kong ban raya, Kong ndoan dom Labik che xuat saong Kong nghiep Ban raya Ho Chi Minh peih bruk ngak Danak dak nao tabak rik jien tame daong urang kong saong danak dak “ Daong ayut dalam Kong ndoan”. Danak dak uan raok Bilan Urang ngak saong iew dom doanh nghiep, doan vien, urang ngak daong gauk, klak rabha, daong dom urang ngak hu raidiuk kan kandah. Bingun ini, ban raya taduan hu bruk daong labaih 1 ty dong ka Kadung jien daong Urang ngak kong ban raya saong 365 trieu dong ka Danak dak “Daong ayut dalam Kong ndoan”.

UB bhap bini tinh Binh Duong birau peih bruk Pakacah nduac takai ngan haong kadha “ Daong gauk ngak brei abih baoh sang oh daok taik tahak thun 2025”, pachreih labaih 10.000 urang pakacah abih gauk umo praong sit. Bruk ini kayua UBMT negar Viet Nam peih ngak danak dak daong abih baoh sang oh daok taik tahak di tinh. Kuhria abih jien rik tame meng bruk pakacah nduac takai lac labaih 27 ti dong. Langiu di nan, Binh Duong daok daong hu labaih 34 ti dong ka tinh Bac Lieu saong hu jaik 45 ti dong ka tinh Nghe An.

Danak dak sang daok rahra hu padang ngak praong jaik 1.000 baoh sang daok taphia gauk di phuong 9, Ban Ca Mau, tinh Ca Mau. Danak dak hu padang ngak di taneh praong 13,2 ha, ngak hu 945 baoh sang taphia gauk glong meng 2 tal 5 tal, padang khang kajap hu danieng karei, ala tuh betong yaok tal. Tui kuhria tal puac thun 2026 meda hu salah blaoh saong jao ka bhap bini. Danak dak hu makna praong daong hu jak jeng bruk kham merat ngak hu 2.900 baoh sang daok rahra di bhum palei ini.

Cuc Canh sat hinh su, Mentri Kong an birau pambuak haong Kong an tinh Tien Giang, Long An chap mek kol kanjak jhak ngak suan hukum  di dua tinh ini. Tapa pasang iek, cảnh sát chap hu 5 paik phao saong rilo siuk ndan, to ndao, ba tabiak kaoh tui hukum 32 urang ka dom bruk pablei, khik piah suan adat phao bol lin; brei mesre jien laba glong dalam rahra; pataom gauk ma-in mbia; pablei saong blei matuy; pataom gauk pandar matuy suan hukum di tinh Tien Giang saong Long An kayua Nguyễn Công Huân, umo 30 thun xa Đăng Hưng Phước, huyen Chợ Gạo, tinh Tien Giang dang akaok dalam bruk ini.  

Sa mbang glut jaleih trak rah tabiak di page harei kabroi 18-5 di ar kraong Ông Chưởng, xa Long Điền B, huyen Chợ Mới, tinh An Giang ba tal taneh gah likuh di 10 baoh sang bhap bini glut tame kraong ia. Kuhria camereip khat lahik labaih 2 ti dong. Hadei tuk rah glut jaleih, karja pak ini gam haong bol lin, bhap bini hu mbaok piah daong ka mikva panduan ba drap ar tabiak truh labik gaok bala. Taong abih dom labik mbuan glut jaleih trak, anak meta bhap bini brei panduan ba tabiak truh labik daok.

Yao hoang Leo XIV hu taom gaok tapak haong Tong thong Ukraine Volodymyr Zelensky. Ini lac var taom gaok ta-eng akok meti di Giáo hoàng Leo lac urang dang akok  Giáo hội Kong yao. Di var taom gaok nan, Yao hoang caong khin brei padeih bruk bruk mesruh metak di Nga saong Ukraine. Yao hoang kakei lac: “ Dom mbang ndem biai nao mai piah hu salamat sumu gauk saong kajap suai lavik jeng hu peih tabiak”.

Bol lin tathik Indonesia chap mek hu sa gilai hu tuan hala dok Thai Lan pajeng jaik 2 tấn methamphetamine saong cocaine, kuhria tui jien hu 425 trieu dola My. Ini lac mbang chap mek hu gilai ajeng matuy ralo abih di Indonesia. Urak ini, jabat karja taneh ia  ini daok pasang iek matuy hu meng halei mai jeng yau jalan nao di gilai. Thun 2023, hu 190 tan methamphetamine chap mek di Đông Á saong Đông Nam Á, tuk dom kapol nyaom  padang bruk ini pambak tame hukum daok kurang piah pajeng ba matuy tapa tathik Thai Lan.

Bala apui khuah khang mbang sa baoh sang glong 3 tal di Hyderabad, bang Telangana, gah Meraong An Do, ngak takik abih di nyu 17 urang metai. Hu thau, tuk apui khuah, hu 21 urang daok dalam sang. Tui duah thau camereip hu mboh apui khuah kayua patuh ndien. Dom urang metai ayua blung thak pui. Thu tuong An Do khan brei thau daong 200.000 rupee (hơn 2.300 USD) ka gauk gar dom urang jhak vak metai saong labaih 600 USD ka dom urang njauk rambuac./.

ÁI NGHIÊM

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023

URANG PANG DANAK DAK (THÍNH GIẢ VỚI CHƯƠNG TRÌNH)