Dalam vaktu patagok tal thun 2025 saong 2030, pamaong tal thun 2045, tỉnh Bình Thuận thau lac bruk ngak nong, urang nong, palei pala daok hu labik dang praong dalam bruk cak rok patagok kinh te - xa hoi. Dalam nan, patagok gah ngak nong lac bruk hu makna praong, padang ngak palei pala birau lac bruk pasak, urang nong lac ngak po. Tỉnh jeng hu ba tabiak bruk caong ngak tal thun 2025, lac palahik bruk kathaot, takik abih bruk kathaot gilac veik saong pasiam patagok cambaih laih raidiuk bhap bini dalam palei pala.
Piah ngak hu bruk ba tabiak nan, tui ong Nguyễn Hữu Phước, Phaok Yam ndoc Sở Ngak nong saong Patagok palei pala, Chánh Văn phòng Điều phối Danak dak pakat Negar padang ngak palei pala birau Bình Thuận lac: tỉnh daok brei jhul khang bruk pachreih ba urang buh jien tame gah ngak nong, palei pala, ba ilamu cong nghe glong tame ngak tui jalan kein lagaih, khang kajap.
Meng gah patagok bruk ngak tabiak kaya nong pambuak saong prein khang di tỉnh, Bình Thuận daok jhul khang bruk ngak danak dak OCOP, abih di nyu lac yaih khan 70 pandap OCOP hu pok brei angan, ba mbuan lagaih jang ka bruk pablei pandap, paglong jien mek tame ka mikva urang nong. Akok thun ini tỉnh hu ba tame ngak bruk 2 labik yaih khan saong pablei pandap OCOP, hu caik di labik lagaih, dui pachreih hu urang blei saong tuai dulich.
Sarak Nyaom roya Đảng bộ tỉnh Bình Thuận vaktu 2020-2025 hu tacei tabiak cambaic laic, tui prein khang di drei, tỉnh mboh lac “ klau bruk praong” kinh te njauk cak rok patagok dahlau lac ngak kong, dulich saong ngak nong pambuak haong pandar cong nghe glong saong chuoi gia tri.
Meng jalan ba tabiak ngak yau nan, lang talaih dom kan kandah, tavak tavaiy, tỉnh jhul khang bruk padang ngak palei pala birau tui jalan patagok abih gah saong khang kajap, ngak ka raidiuk bhap bini di palei pala hu kaya meda jang, jiak sumu labik đô thị. Dalam nan, iek praong bruk paglong jak jeng di bruk ngak mbang dalam palei pala, mek bruk cakrok gah pala drak raong glang pandar ilamu cong nghe glong, cakrok dulich palei pala pambuak haong bruk patagok gah ngak kong, dich vụ lagaih haong bruk đô thị hóa. Gam haong nan, caik hatai sangka bruk khik ramik saong patagok dom ilamu siam gheih meng kan mai pambuak saong bruk patagok khang dulich palei pala.
Pambak tame prein khang lac labik hu taneh ngak nong praong, langik tasik siam lagaih nan ye Binh Thuan meda brei patagok dom janih phun pala angaok thu, diuk hu di taneh thu lagu yau dom janih njam patam, dom phun jru, dom janih phun mbang baoh takik pruh ia…Dom bhum glong yau dom huyen Bắc Bình, Tánh Linh, Đức Linh, Hàm Thuận Bắc brei patagok bein pala phun mbang baoh, phun công nghiệp, yam tagok peih ngak dom labik rivang main dulich sinh thai gam haong patagok bruk ngak nong…meda rik daong paglong yaom ka dom pandap panda kaya nong, jhul bruk pala drak, raong glang patagok khang kajap, paglong jang raidiuk bhap bini di palei pala dalam tỉnh./.
Urang lang: Ai Nghiem - 25/3/2022
Viết bình luận