Thanh Pháp - Phaok akaok Jabat Nghệ thuật biểu diễn Sang daoh tamia Biển xanh Bình Thuận

Urang Cam hu ragu ragam bhap bani biak rilo, hu tamuh tabiak saong cakrok biak avar dalam sajarah di bangsa. Ragu ragam bhap bani Cam lac biak hu yaom, hadah krah di gah âm nhạc học jeng yau dalam rai diuk di urang Cam.

Meng hatai caong khin rik pren ranaih di drei brei ka ragu ragam di bangsa, dalam tukvak tapa, dom urang daok ranaih lac urang Cam  yau: Nhạc sĩ Inư Tuấn, urang daoh Vương Rock, nhạc sĩ Hán Văn Trà saong urang daoh Thanh Pháp hu brei tabiak rai dom kadha daoh hu gah chuyên môn taong yaom glaong. Abih di nyu lac bruk daoh hu dua - dua sap Cam – Yuan dalam yaok kadha daoh di drei.

Yaok urang sa bruk karei di gauk, min bruk dreih gauk di dom urang ini lac hatai takre, hatai kham merat saong bruk abih drei ka ragu ragam bangsa.  

Ngan haong kadha “ragu ragam Cam saong ayut ranaih”, danak dak papar sap Cam harei ini daa mikva saong taong abih gauk pang dom kadha daoh Cam. Tapa nan, khaol drei hu pang dom panuac ndom meng hatung hatai di dom ayut ranaih pok sap daoh jeng yau paneh dom kadha daoh ini dalam bruk khik ramik saong patagok ragu ragam bhap bani Cam.

Urang lang: Jasi - 24/04