Meng harei mblang taneh klah saoh di khu phố hu phường buh jien tame ngak pasiam, chi đoàn khu phố 2, phường 1( quận 4- TPHCM) hu “labik ngak bruk praong laneing lanoi”. Lac labik ngak bruk di chi bộ, dom kapol nyaom di khu phố min bruk ngak di dom dam dara tuk halei jeng hu ngak dahlau. Dom ayut iew labik nan lac “Labik pagol taom dam dara” kayua hu labik ka uranaih puac tapuk, dam dara pasram daoh tamia, uranaih tame ma-in.  Bí thư chi đoàn Nguyễn Thị Tâm Như likau hu labaih 1.000 baoh tapuk siphau vak ka Wa Ho, Đoàn, Đội, uranaih...pabak hu meneing bruk nyim tapuk bac di dom adei sit dalam khu phố.  Blaoh daok hu radaih pajeng nao mai, bo dom ayut iew lac radaih haniem phol piah pajeng tapuk tame dom jalan sit dalam khu phố, rik daong dak padang ilamu bac tapuk ka dom adei sit.

Ngan saong chi đoàn khu phố 2, phường Sơn Kỳ, quận Tân Phú, meng hu bruk jak ba di chi đoàn bo rilo po sang trọ oh tagok jien pah sang, jien điện, jien ia ka labaih 400 urang lac sinh vien, urang ngak daok trọ di khu phố luac dom bilan jit meng blaoh. Tuk mboh bruk khin nyim phun jien ngak mbang di dom ayut dalam khu pho, chi đoàn tangi sua jalan ngak harak gal, tacei pato dom ayut, bo daok hu Đoàn phường abih hatai daong. Tapa nan, hu 18 hồ sơ hu gilang pariak mbaoh tangin brei mesre  abih tih 546 trieu dong, duah  bruk ngak ka 28 ayut, sa ayut nao ngak bruk di negar Japon.

Bruk njauk ndom tal abih di dom chi đoàn lac hu mbaok tame bruk pacang caga jit Covid-19 pak di labik dalam mbang jit ruak meng blaoh. Di chi đoàn khu phố 17(phường Bình Hưng Hòa, quận Bình Tân), dom ayut ranaih umo biak chreih chrai hu mbaok tame dom bruk halan hatian dalam bilan jit, tuk hu tangi sua huac njom ruak halei oh, dom ayut oh cang sahaneng, jalei chip: oh huac!  Nan ye 2 tấn brah, 200 vỉ baoh manuk saong 5 tấn njam patam, 60 paok ia tasau kayua dom ayut jak ba hu ba tal tangin mikva. Nan oh ka ndem tal tukvak dom ayut nan daong kapol urang mek mẫu dut iek ruak, klauk vaccine ka bhap bini. 

Khu phố 2, phường Sơn Kỳ, quận Tân Phú hu tabiak mbaok kapol urang halan hatian "Hala pacang ao hijao".  Luac dom bilan jit Covid-19, dom ayut halan hatian abih hatai haong gauk daong pajeng pandap panda, pacang dom labik daok karei, daong padang balai pasang iek jit ruak, daong y tế duah dom manuac taom gaok jaik urang ruak dut iek ruak, mek mẫu dut iek ruak dalam bhap bini, vak mã, tame dữ liệu…

Di khu phố 2, phường 1, quận 4 hu tal 7 chưng cư saong luac bilan jit, 20 dam dara halan tian di chi đoàn salih guak nao darak daong ka mikva, tuk pajeng pandap panda kaya mbang, tuk ba lisei ia ka mikva dalam labik pacang veik. 

Bí thư Thành đoàn Phan Thị Thanh Phương khan lac: “ Yaok urang đoàn dam dara di dom chi đoàn khu phố, palei dalam tuk nan hu mbaok grauk labik dalam dom bruk pacang caga jit. Meda lac yaok ayut hu jeng “hala pacang hijao” pak di labik drei daok, rik prein tame haong ban raya jeng yau mikva jhul jit ruak kadhun likuh”.

Hu maong yau “ tế bào” di Kapol dam dara dalam labik daok di bhap bini, yaok chi đoàn yaom lac hu  kan kandah karei di gauk min tuk halei jeng kham merat ngak brei birau tui jalan bui sambai dalam tuk ngak bruk./.

Urang lang: Ai Nghiem - 26/3/2022