Meng hatai takre yau nan, thun 2010, sa-ai pakacah tame bac gah âm nhạc di Sang bac Cao đẳng  Sư phạm Trung ương Nha Trang, tỉnh Khánh Hòa. Meng tuk daok nao bac, Anh Dinh hu mbaok tame rilo mbang pakacah daoh. Thun 2012, sa-ai tame pakacah Sao Mai sap daoh angaok riyak papar binguk di tỉnh Phú Yên saong mek hu giải nhì gam haong giải Sap daoh hu urang pang biak takre. Meng nan, sa-ai hu rilo urang paneh kadha daoh palih ruah ba tame daoh dom kadha daoh Cam ndem ka bruk anit ranam. Hadei di tuk bac tamat âm nhạc di Sang bac Cao đẳng  Sư phạm Trung ương Nha Trang, sa-ai mai ngak bruk di Kapol daoh tamia bangsa tỉnh Ninh Thuan mbiah tal harei ini. Dom kadha daoh hu sa-ai daoh tuk halei jeng caik vaik dalam hatai urang pang kayua sap lai la-ar bingi pang min bak prein khang kadang. Rilo kadha daoh hu njom tame dalam baoh hatai di urang pang yau ye: Xương rồng đất Tháp, Ka tê tình yêu, Tình ca đất tháp, Bến nước tình yêu… Hadei di ini, da-a mikva saong grauk ayut tui pang Anh Dinh daoh kadha daoh “Xương rồng đất tháp”, hu Thanh Pháp paneh tabiak.