Reu craoh janih ngak pandap mbang di urang Thái

  Rêu tamuh di bilan la-ar tuk ia kraong ia craoh hijao. Rêu tamuh eng di dom patau praong sit karei di gauk di dom labik craoh ia nduac khang, di labik ia kaok tal akok ta-uk, daok labik ia dalam, ia dang kandaong rêu takik tamuh, meyah tamuh ye oh hacih kayua ndam rilo cuah. Bruk taneh mbang bhian kayua dom urang kumei dalam sang ngak, yau nan urang kumei Thái meng nao paik rêu mai ngak pandap mbang ka  sang drei. Tal bilan rêu tamuh, adei sa-ai dalam puk palei jak gauk tabiak craoh mek rêu. Yaok urang kak tui ka dung lếp di ka-ing. Bruk mek rêu jeng biak chreih chrai, hu dom urang nao saong gauk, ye urang dak tui talei sumu mbaok gauk gam duan rêu tui ia tagok ngaok hlau ia, gam ndem meyai bui sambai, plaih bruk urang nao dahlau ngak vik ia urang daok likuk, urang nao dahlau duan abih di urang nao hadei. Urang duan rêu jeng brei tari taieng, sa tangin duan rêu, tangin gah diah pan tal bak kacao thu ia, buh rêu tame ếp. Sa-ai  Tòng Thị Vinh daok di palei Mòng, xã Hua La, ban sit Sơn La, tỉnh Sơn La brei thau: “ Rêu duan mai sang blaoh pandar gai thaok meng kayau, atau gai kayau sit nde gar to jan pacah rêu rilo mbang di patau praong, hacih,  pacaoh khang, atau labik tapen ia di palei. Hadei di nan palih hacih hareik, yeng meng canaih, rổ, naih yau yeng hacih patau randaih meng ba ngak dom pandap mbang.”

  Rêu meda ngak hu rilo janih pandap mbang, yau: Rêu pambu thu piah am cuh meng dang, ngak ia bai, papaok hala am cuh dalam bau ging. Yaok sa jalan ngak pandap nyu meda bingi karei di gauk, tui urang takre mbang. Yau nan min, bingi abih saong mboh rilo uang Thái bhian ngak meng kan mai nan lac papaok veik rêu meng hala patei, atau hala dong am meng dang, piah pahe bingi. Dahlau di tuk papaok, brei buh tame rêu hasit sara,  saradang dom janih njam pahe. Bruk am rêu paok hala, brei caik hatai juai caik taphia pui, kayua jiak apui  ngak khuah hala, rêu saong dom janih gia vị karei sre tabiak, ndam bau ging…Urang am cuh brei kaleih salih sumu gauk, tuk halei mboh hala khuah gah langiu nan rêu tathak. Piah hu paok rêu am cuh bingi, ye brei hu gia vị  yau lasun, toi, njam húng, thì là, plang, laya, sara, saradang sraw tame. Abih di nyu lac oh kurang mák khén, ngak ka rêu hăng hăng pahe. Daok hala papaok lac hala patei, min pahe bingi di abih lac  papaok meng hala dong piah am.

Langiu di ngak pandap ka var mbang huak yaok harei di  sang, urang Thái urak ini thau mek rêu ba pablei di dom darak pasar, darak tapen jalan. Bhian di nyu, mikva brei pagun rêu jeng candaih vin, yaok camdaik reu trak labaih 1 kg, yaom pablei meng 15 tal 20 ribau đồng tui bhum palei. Dom pandap mbang meng rêu jeng hu rilo kuan mbang bangsa Thái ba tame ngak pandap jeng sa dalam dom pandap mbang ka tuai damuai. Yaom lac raidiuk urakini kaya jang hu rilo pandap mbang bingi, rêu craoh jeng daok lac pandap mbang meng kan di bhap bini hu urang bangsa Thái Tây Bắc biak takre./.

Urang lang: Aí Nghiêm -8/2