Lac dom bhum taneh thu lagu bak pandiak, meng kham marat padang bruk pala phun măng tây hijao di amuk Châu Thị Xéo, yam ndok HTX Châu Rế huyện Ninh Phước, tỉnh Ninh Thuận… hadei di 4 thun padang tagok haong labaih 20 urang, hu ngak ka bhum taneh thu lagu ini jeng hijao mekre, la-hơi bingi. Meng pala măng tây, HTX mek tame jien triệu yaok harei, amuk Châu Thị Xéo chreih chrai ndom lac măng tây lac phun haniem phul: “Mang tay di HTX Chau Re saong mang Ninh Thuan pala di mblang taneh cuah, mbang biak bingi…”

Meng jak jeng di bruk ini, thun 2018, amuk dang tabiak padang Hợp tác xã dịch vụ ngak nong tổng hợp Châu Rế saong hu pok ngak Yam ndok Hợp tác xã pambuak haong doanh nghiệp di pak ini pala măng tây hijao saong blei veik abih măng tây pala hu di bhap bini, abih di nyu nan lac daong ka urang kumei Cam di pak ini hu bruk ngak tani tanat.

Meng di tuk tame HTX Châu Rế, diuk psang amuk Kiều Thị Mễ, daok di palei Thành Tín, xã Phước Hải harei halei jeng hu mbaok di mblang hamu pala măng tây praong labaih 7000m2 di sang piah ba gauk sangka. Tuk diuk ngak hareik ye pasang peih mac li-ua ngak pasoh taneh, duah halak halin, diuk pasang jaik gauk anit ranam gauk jang. Tame HTX raiduk saong jien mek tame di sang ong hu tagok biak rilo. Amuk Kiều Thị Mễ ndem lac: “Mikva dalam HTX thei jeng saneng lac ngak mang tay oh pruh jru rilo…”

Gam haong bruk cak rok patagok bruk pala drak, yaok bilan, HTX pambuak haong Kapul urang kumei peih bruk ndom biai nao mai, daong ka dom urang dalam kapul klah rabha ilamo ngak mbang, diuk pasang daong gauk bruk hit dalam sang. Meng dom bruk ini, adei saai kumei Cam biak chreih chrai, abih di nyu nan lac dom saai likei hu thau daong bruk ka diuk di drei, daong palagaih ka dom saai kumei hu mbaok tame bruk di puk palei.

Tui amuk Phan Thị Ngân Hạnh, akaok Kapul urang kumei tỉnh Ninh Thuận, HTX Châu Rế hu maong lac bruk ngak hadah krah di Kapul urang kumei tỉnh Ninh Thuận.  Abih di nyu lac adei saai kumei dalam HTX hu ngak ka bhum taneh thu lagu rilo pandiak hangin jeng siam mekre tapa dom bruk caga pacang haong biến đổi khí hậu. “Ninh Thuận lac labik hu langik biak kan kandah nan ye bruk peih ngak dom bruk pambuak haong biến đổi khí hậu saong khik caga alam môi trường hu dom pakat Kapul sangka, peih ngak saong mek hu rilo siam lagaih. Kapul jeng hu daong ka dom adei saai kumei masaiy phun jien meng Gilang paraik saong dom kadung jien karei piah cak rok patagok kinh tế, blei dom pandap panda. Abih di nyu nan lac dalam bruk pala drak saong raong glang, pandar ia patak pataom, pathau khan brei adei saai kumei masaiy jien ngak jalan pruh ia, khik tani tanat ia pruh saong pandar patak pataom. “

Oh lac jhul khang bruk daong ka dom bruk ngak nong pambuak haong pandar ia patak pataom, Kapul urang kumei daok ba akaok nao dahlau dalam bruk khik caga alam môi trường. Rilo danak dak hu urang dalam kapul ba tabiak saong peih bruk pacacah gauk yau ye bruk “Oh raong pabui palao bal glai bal glo saong oh tathuak ia tabiak jalan” piah ba mai sa alam hijao di sa bhum taneh thu lagu abih di taneh ia drei; “padang sang 5 oh 3 hacih”, ngak siam bruk “jak ba gheih” di rilo urang jakar kapul urang kumei di pakat cơ sở. Rik daong tame bruk padang ngak palei pala bahrau, Kapul urang kumei Ninh Thuận jeng kham merat hu mbaok tame peih ngak quy hoạch padang ngak cơ sở hạ tầng palei pala, salih bruk ngak mbang, tui jalan cak rok patagok bruk ngak nong raong glang pambuak haong caga pacang biến đổi khí hậu.

Meng dom bruk ngak siam lagaih dalam tukvak tapa hu ngak brei salih bahrau biak siam dalam jalan saneng, bruk ngak di urang jakar, urang dalam kapul, rik daong dak padang baoh sang trei sil, haniem phul, khik caga alam môi trường khik caga kaya ia di bhum taneh thu lagu ini./.

Urang lang: Thu Thao – 20/10