# L’lăm năc mưy râu cr’liêng xa nay bhui har đăh pr’ăt tr’mung đhanuôr đhị thành phố Đà Nẵng. Ooy 6 c’xêê tơợp c’moo đâu, ơy vêy lâh 74.300 manưih ting pâh đươi bảo hiểm xã hội tự nguyện. Nâu đoo năc đhị lêy za nươr ga măc chr’năp zooi đoọng đhanuôr hêê k’rêệm loom vaih zên lương hưu bêl t’cooh đhưr lâng vaih thẻ bảo hiểm y tế đoọng zư lêy c’rơ tr’mung bêl k’ay k’nanh.

# Xang nặc, ahêê đh’rưah chô lưm lêy chr’val k’coong ch’ngai Phan Sơn coh tỉnh Lâm Đồng. T’ruih năc vêy xay truih đoọng đhanuôr xơợng xa nay t’ruih ooy đhanuôr K’ho, Raglai coh đâu xoọc đh’rưah zư lêy lâng pa dưr đợ râu chr’năp liêm âng cr’liêng “ha roo Mẹ” mưy râu ha roo ty chr’năp lâng ma bhưy ooy pr’ăt tr’mung âng đhanuôr.

# Lâng mưy cr’liêng xa nay chr’năp crêê tươc Luật c’lâng c’tôch âng zâp apêê k’căn k’conh lêy p’ghit: Tơợ t’ngay 15/8 tươc đâu, đợ apêê p’niên zâp 16 c’moo tươc dưp 18 c’moo ha dang lêy lái xe mô tô lâng zâp râu xe cơnh đêêc năc vêy ta toom zên tơợ 400 tươc 600 r’bhâu đồng. Quy định nâu liêm ghit ha cơnh, đhanuôr lâng pr’zợc đương xơợng đhị pr’lưch t’ruih bêl đâu ớ.

# Đh’rưah lâng xa nay tin thời sự, t’ruih dzợ vêy pa xưl bơr pêê pr’hát pr’hay. Năc ahêê đương xơợng lưch 45 phút t’ruih pa xưl bêl đâu ớ.