VOV.Jarai-Ngă yang pin ia lĕ sa bruă ngă iâu lăi yang rơbang mơ̆ng đưm đălaih djuai ania ƀiă ƀơi kual Dap Kơdư dŏ djă pioh, kiăng pơpŭ bơni kơ khul yang rơbang pơgang ba ia čă, ia ƀlĕ, jing phun kơ tơlơi hơdip amăng plơi pla. Hơdôm thun giăm anai, hăng tơlơi tuh pơ alin mơ̆ng anom bruă gru grua, tơlơi ngă yang pin ia hơmâo lu plơi pla rŭ glăi djă pioh, kiăng lăi pơthâo gru grua hiam đưm djuai ania, laih dơ̆ng ngă brơi jing anŏ pioh čơkă tuai hyu ngui ĕp lăng.