VOV4.Jarai – Bruă mă yua prăk pơgang glai klô djơ̆ bôh than amra ngă tui bruă hơđong bơwih ƀong, hrŏ trun ƀun rin, pơjing bruă mă hơđong kơjăp kơ sang anô̆ mơnuih ƀôn sang, plơi pla gum hrŏm wai lăng pơgang glai klô. Amăng hơdôm thun jê̆ hăng anai hrŏm hăng bruă lăi pơhing, pơsur hơdôm bôh sang anô̆, plơi pla ngă klă bruă pơgang hăng pơlar glai klô, Keh prăk pơgang hăng pơlar glai klô ăt đing nao mơn bruă pơtô brơi mơnuih ƀôn sang mă yua prăk pơgang glai klô djơ̆ bôh than pioh hrŏ thun rin tơpa, pơplih tơlơi hơdip mơda. Kơnang kơ anun, tơlơi hơdip mơda trơi pơđao rim hrơi truh hăng mơnuih ƀôn sang dô̆ hơdip mơda giăm glai klô, tơlơi pơmin pơgang glai klô ăt dưi pơđĭ tui mơn.