VOV.Jarai-Lu jơlan hơdră, hră pơtrun mơ̆ng Ping gah hăng kơnuk kơna ta kơ bruă wai lăng djru ba tơlơi hơdip mơda mơnuih ƀôn sang, lŏm lui sang tơ̆i, sang phŏ, djru ba bruă mă bơwih ƀong huă kơ mơnuih ƀun rin hơmâo ngă tui sit nik, ba tơlơi trơi pơđao yâo mơak kơ mơnuih ƀôn sang kual Dap Kơdư. Tơlơi bơră ruai hrơi tơjuh anai, sen ber lăi nao tơlơi hơdor tơngia mơ̆ng mơnuih ƀôn sang kual Dap Kơdư hăng Ping gah laih anun Kơnuk kơna, prăp lui mơak čơkă Têt ngă yang thun phrâo djuai ania, ƀuh tơlơi hơdip plơi pla pơblih phrâo kơtang, kiăng abih bang bơkơtưn mă bruă, thâo gum pơgôp, kơjăp pran jua hrưn nao pơ anăp adih pơđĭ kyar hơđong.