VOV4.Jarai – Rơgom ơi Phạm Văn Đồng Khua dêh čar hơđăp lăi: “Amăng tơlơi hơdip mơda bruă ngă hơkrŭ ăt kah hăng amăng tơlơi hơdip rim hrơi, Khua mir sir Hồ Chí Minh leng kơ thâo pơhiăp, hơdip klă hăng djop mơnuih. Ñu pioh pran jua kiăng khăp mơ̆ng ñu kơ ƀing gŏp, neh wa. Amăng tơlơi khăp anun, hmâo anih kơ djop mơnuih, ƀu kah lui hlơi ôh...”. Anun lĕ tơlơi pơsit tum djop dơlăm kơ Khua mir sir Hồ Chí Minh – Ană mơnuih mơ̆ pioh abih pran jua 79 bơyan bơnga kơ tơlơi khăp lŏn ia, kơ mơnuih ƀôn sang. Kiăng hơdor kơ 54 thun hrơi rơngiă Khua mir sir Hồ Chí Minh, ƀing ta hmư̆ hrŏm tơlơi čih “Pơhlôm abih bang tơlơi khăp mơng Ñu”.