VOV.K'Ho - Lài do, mò pàng kòn cau Rơđê kis tàm rơngồng klam jơngo tàm dơlam ù, tus di tŭ klau pơnu Y Rít gŏ geh măt ù dờng ơnàng bềng bơta àng mờ chi che tơlir niam. Bơh hơ̆, ală mpồl kòn cau Rơđê lik bơh rơgồng guh tàm măt ù ơm kis, lơh geh ală jơi nòi mờ sền gàr bơhiàn duh khoai Yàng hòi dan mìu, sền gàr rài kis. Rơgồng Adrênh tŭ do kung gam là tềl lời wơl dờng màng, tơngkah bè mò pàng mờ niam chài niam ngan bơh kòn cau Rơđê dê.