VOV.K'Ho - Kis đềt mềr mờ brê bơnơm, dà dờng dà croh, mờ ƀòn, làng bol jơi bơtiàn dồ êt nă cau Tây Nguyên neh lơh gơs dùl jơnau mờng chài ơm kis kòn bơnus dê ƀalhiă ngan mơya jrô ơnàng: kòn bơnus pal kis gơ tàm sòr bal mờ brê bơnơm, yờ tơngguh nùs nhơm tam klăc bal mpồl bơtiàn mờ dòn tàm bơta ring bal bơh rài kis dê. Tàm bơta sền dunia hơ̆, bơta pràn ờ mìng tus bơh bơta pràn să bồ dê mờ gam là bơh bồ tơngoh, bơta ngăc ngar mờ nùs nhơm gĭt gơboh kờñ, tam pà bal; cau lơbơn ñâm ño kung digơlan jai pha sơl dilah gĭt kơ̆ nùs mờ gàr bơta dipal tàm rài kis. Jơnau yal yau “Sềm sưng mờ Klìu” bơh kòn cau Jrai dê tơnggŏ jơnau mờng chài ơm kis hơ̆.