VOV.K’Ho- Tàm ală jơnau niam chài Tây Nguyên dê, đờng lŭ gam geh hòi là goòng lŭ bơh kòn cau M’Nông dê ơm tàm tiah croh dà Dăk Glung, Dăk Kar, càr Dăk Nông yau, tŭ do gơ wèt càr Lâm Đồng geh sền là phan kwơ brê bơnơm dê. Ờ mìng ƀươn ƀoài là phan ngui đơs crih lơm, ală nrang lŭ ntas ală săp ntas kơno ntas gơlơh bè cing, bè mồng, neh gơlòt mŭt tàm jơnau yal yau. Jơnau yal bè đờng lŭ là dùl jơnau yal dờng màng ngan gơtha bơh tài mờ geh bơh đờng lŭ dê tàm rài kis đah hwềng mờ lơh chờ lơh yàng bơh cau M’Nông dê.