VOV.K’Ho- Jơnau yal yau “Ùr Càl” bơh kòn cau Rơđê dê là jơnau yal yau yal bè bơta sền gròi, bơta kờñ gơboh, tàm dong kờl bal bơh ală cau tàm hìu bơnhă dê pah tŭ tìp bơta gơ aniai gơtŭ gơtơl tàm rài kis. Jơnau yal yau kung tơnggŏ bơta kơ̆p kờñ ngan kis, kơ̆p kờñ ngan geh kờñ gơboh, chờ hờp chờ hờn tŭ jòi geh pơ ùr, jòi geh bơklau, tơnggơs hìu bơnhă mờ tŭ lơi kung rơcăng sơrlèt gan kal ke, bơta lòng bơh rài kis dê nàng jòi bàn geh jơnau kờñ di ngan bơh bơta kờñ gơboh dê.