VOV.K'Ho- Ală ƀòn lơgar kòn cau Sơdàng tàm Tây Nguyên kung gàm mblàng lời wơl jơnau yal yau bè Dăm Duông, Bar Mah mờ săp ntas kơwào gơnrơh. Jơnau yal yau bè jơnau tơngkah là: Mìng geh nùs nhơm lơbơn niam mờ khin cha, kòn bơnus hơ̆ sồng gàr geh lơngap lơngai tàm rài kis, bè kơwào mpong sùm tàm gùl brê bơnơm dờng ơning ơnàng. Tơnơ̆ do jà làng bol mờ ală bơyô iăt jơnau yal yau “Dăm Duông mờ kwào gơnrơh”.