Tàm rài yau, tàm bă ù brê bơnơm, mpồl bơtiàn kòn cau Sơdàng sùm git kis tàm klăc bal, dong kờl bal. Tàm bơta glar bòl, kòn cau Sơdàng sùm gàr nùs nhơm pràn kơl dang să jan: di lah geh ling sò tơm tus ha là cà ràk tus lơh aniai ƀòn lơgar, kòn cau Sơdàng dùl nùs bal ntào tam lơh, lơh ngan nàng kơrian bơta iơh bơsăk, gơsơ̆t cà ràk, nàng sền gàr rài kis lơngăp lơngai, hờm ram mờ gơboh gơbài. Tàm jơnau yau hơ̆, mò pàng gam prăp gàr jơnau yal yau “Klao ting cuh phan brê mờ cà Cheng Leng”, do là jơnau yal yau kờñ jờng rơ nùs nhơm tam klăc, khin cha mờ pràn kơl dang bơh mpồl bơtiàn dê.